Sri Lanka Cardinal in President dinhmun ih tum dingah zaangfah dil (July 07, 2022)

Sri Lanka Cardinal in President dinhmun ih tum dingah zaangfah dil

(July 07, 2022)

          July 05 ni thuthang felfai ternak ah Sri Lanka ram ih Cardinal Ranjith in ram president le acozah dinhmun ihsin tum dingah le mipi thuneihnak cu mipi pawl pe sal dingah zaangfah a dil.

          Ram sungih cang rero mi dinhmun ruangah a tul lo mi harsatnak pawl ram sungih cang nawn lo dingah acozah ih uknak daithlangnak cohlang in remdai ten an sinak ih hrial dingah zaangfah a rak dilnak a si.

          Mipi pawl cu ramkhel lam party pawl kom in rin tlak mi, tlaitluang mi acozah pawlkom dingah an kilkhawi dak thei ding a si thu, kum reipi mipi pawl ih zumnak ngah lo ih rak cang mi a tlu sia mi acozah cu taan 22 a rak tan thu, ramdang sumpai thlengnak cu kan dungkum ihsin thok in zateek 70 tiang a rak tlak ih zalennak ngah hnu electric pek  lonak cu nikhat ah nazi 13 siseh, ei in, dat si, gas, siivai, sumpai manneihlonak tivek thuhla a phunphun a rak cang.         

          Paisa man a neihlonak cu February thla ihsin thok in (17.5) tiang a rak um ih ram ih sumpai cu man a neih lo thu, sumdawnnak hnatuan pawl her dingah harnak, kuat mi, thil suah mi pawl hrang siseh, harsatnak an rak tong.

          Kan mah dinhmun in namnehnak kan dodal. Mai thu lawng duh tu acozah in mipi pawl a namneh tuk. Ram sungih mipi thatnak hnak in an party thuneihnak lawng hmun dingah a thupi tiah an ruat.  

          Mipi pawl cawmtu ding acozah cu hna an tuan lo. Minister thar cu mipi pawl in uanvo an pek ih rak siatsuah mi pawl an din sal thei ding tiah ruahsan in mipi zaten dai ten a tha bik ih tawlrel daan tuah thei dingah an hngak rero.

          A tu ahcun dinhmun pawl cu mai neih mi dinhmun hnak in a tha sawn cuang lo. President le a mai acozah cun an mai dinhmun pawl tuah bet dingah sinak a um nawn lo thu, harsatnak phunphun tuar rero tu mipi pawl ai-awh in tuanvo laknak, tuanvo laknak famkim thawn a mai dinhmun ih suak dingah zaangfah ka lo dil tiah Cardinal in raltha zet in a rak sim.

          Hi thuthang cu RVA thuthang ih kan ngah mi a si.

https://bit.ly/3b9c94v