Sri Lanka, Colombo Archdiocese nih Auxiliary Bishop thar a ngah

Pope Francis in Sri Lanka hrangah Auxiliary Bishop thar tuanvo a pek

                Sri Lanka ram ih khuapi Colombo Archdiocese hrangah a pathum nak Bishop si dingin Pope Francis in Fr. Anton Ranjith Pillainayagam cu July 13, tlawngkai nikhat ni ah tuanvo a rak pek. Tuanvo pek mi Puithiam cu kum 53 a si thlang ding a si.

A tu ah St. Joseph College ih Vice-Rector a si vek in Tamil Theologate tlawng ih Director khal a si. A mah cu kum 1996, Sep 23 ah Puithiam cannak a rak ngah.

Colombo Archdiocese hrangah 2011 le 2018 kum pawl ih an hril mi Auxiliary Bishop pawl cu Maxwell Silva le J D Anthony Jayakody pawl an si thu cu Vatican thuthang in July 13, 2020 ah kan ngah a si.