Sri lanka ih cabinet Minister hlun cu 2019 kum Thosal puaipi ni ih Khristian zumtu pawl siatsuahnak an ton mi thawn pehpar in kaih a tuar April 28, 2021

Sri lanka ih cabinet Minister hlun cu 2019 kum Thosal puaipi ni ih Khristian zumtu pawl siatsuahnak an ton mi thawn pehpar in kaih a tuar

April 28, 2021

            Sri Lanka ramah 2019 kum Thosal Puaipi ni ih biakinn le hotel tampi ih bomb puahnak in minung tampi a rak that ih cuihhnu kum hnih a rei ah, cabinet minister hlun le a unau pakhat cu rinhlelnak thawn Police pawl in kan dung zarhte ni April 24 ah an kaih ti asi. An lam tang in thu rel sak tu dingah theih pi tu an kawh mi pa cun, hiti ih kaih an ton hi ram khel lam thu thawn pehpar aw mi asi ti'n thu a suah pi.

            Tuitum ih kaih a tuar tu hi Sri Lankan parliament sungih khat lam party hotu, cabinet sung khal ih rak tel dah tu, Rishad Bathiudeen le a naupa Reyaj an siih, 2019 kum Thosal puaipi ni ih bomb puah nak thawn pehtlaih nak ruangah columbo khuapi sungih kaih an tuar mi a si ti'n Police lam ih sim phuan nak tuanvo nei tu Ajith Rohana cun a sim. Hi te unau hi daan vekih thuthen sak an si hrih lo nan bomb puahnak ah an tel ve timi cu thil um tu daan zoh in siseh, scientific lam zawngih zoh ah siseh, a fiang tuk ko ti khal in Ajith Rohana in a sim bet.

            2019 April 21 niah maih nunnak liam ih bomb puah tu minung 9 in Catholic biakinn 2 le Rcotestant biakinn 1, hotel 4 le innthar pakhat rori voikhat puah deuh thaw in an rak puah. Biakinn in an puah mi pawl cu thosal puaipi Pathian biak khawm laifang ih puah mi an siih minung 260 lenglo a that ih minung 500 hnakih tamsawn hliamhma a ngah ter.

            Hi bomb puahnak thawn pehpar in thate'n thu zingzoi dingah nasa zet ih au pi tu cu Columbo khuapi ih Cardinal malcolm Fanjith a si. Rishad Bathindeen ih naupa Riyaj hi 2020, May thla ah thih ngam ih bomb puah tu pawl thawn pehtlaih awknak ruangah kaih a rak tuar ih October thlaah an rak thlah sal ruangah kaih a rak tuar ih October thlaah an rak thlah sal.

            Catholci Kohhran hotu pawl le Biaknak dangdang hotu pawl cu April 21 niah 2019 kum ih bomb puahnak kumhnih kim hngilhlonka an tuah ih biaknak dangdang siatsuah nak pawl cem dingah thlacamnak an nei. Cuih tonkhawmawknak cu bomb nasa zet ih an rak puahnak St.Anthony tualrawn pi ah an tuah ih cumi ah Hindu, Buddhist, le Muslim biaknak hruaitu pawl tla an tel.

            Cardinal Fanjith in Muslim unau pawl hnenah a luan zawngih mai biaknak tannak pawl dodal dingah le Catholic zumtu pawl thawn bomb a puah tu pawl zingzoinak ah telpi dingah forhfial nak a nei. Sri Lanka cu mipum 21 million neimi ram a si. Cumi sungin zatek 70 leng cu Buddhist an siih zatek 13 hrawng cu Hidu an si. Cule zatek 10 zikte hrawng cu Muslim an siih zatek 8 cu Khrihfa an si. Catholic zumtu mipum 1.5 million an um ih Khrihfa a tamsawn cu Catholic zumtu pawl an si. Himi thuthang cu CNA thuthang ihsin kan don mi a si.

https://bit.ly/3eH36FF

           

Add new comment

13 + 0 =