Sri Lanka ih Ratnapura ah Pope in bishop thar khaisang. (March 06, 2024)

Sri Lanka ih Ratnapura ah Pope in bishop thar khaisang. (March 06, 2024)

Pope Francis in Sri Lanka Ratnapura ah bishop thar si dingah  Diocese of Chilaw ih Fr Anthony Wyman Cross a rak khaisang.

March thla ni nga ah hi thuthan hi tarlang a si.

Hril thar mi bishop cu 1967, November ah Chilaw ah a rak suak. Amah cu kum 2000, September thla 16 ah Puithiam cannak a ngah ih Puithiam din hmun in kum 23 a tuan zo tu a si.

Amah cu kum 2007 kum May ihsin thok in Ratnapura diocese a rak hoha tu Salesian Bishop Cletus Chandrasiri Perera ih ai awhtu ding a si.

Kandy khuapi ah National Major Seminary ah Philosophy le theology a rak zir.

Hi tin fimnak a zir theh hnuah  neta khal a rak zir bet. kum 2000-2001 ah St. Anne's Shrine Thalawila ah a rak tuan ih kum 2001-2009 tiang St. Mary 's Mampuri ah a rak tuan.

Kum 2009-2010 ah St.Joseph Vaz Diocesan Pastoral Center ah director dinhmun in a rak tuan.

Amah cu Italy thlanglam ih Pontifical Theological hmun, Capodimonte, Naples ih  St. Thomas Aquinas le Christologyin Licentiate a rak ngah ih kum 2011-2014 ah Naples kiangkap ih pawlkom le  Sri Lankan ah Chaplain dinhmun in a rak tuan.

Kum 2015-2019  tiang Caritas director dinhmun in a rak tuan.

Kum 2019 in Chilaw le Puttalam hmun ih diocese thawn pehpar mi leiram le biaknak lam thawn pehpar mi leiram neih mi pawl thawn pehpar mi ah tuanvo a nei.

 Hi bishop thar cu diocese ih a vei nga nak bishop a si.

Ratnapura Diocese cu 1995, Nov 2 ih rak ding thok mi a si. Hi mi diocese cu Sabaragamuwa ramthen ih um mi a si.

Vatican ih 2022 cazin an laknak ah Catholic 19521 an um ih Parish 24 in then a si tiah an than. 

Hi mi thuthang cu RVA thuthangih kan don mi a si. Thuthang a rak ngai tu zate parah Pathian thlasuahnak um hram seh.