St. Nino puaini Philippines le a dang leitlunhuap ih Filipino pawlkom pawl in tuah

philippines_bishop

St. Nino puaini Philippines le a dang leitlunhuap ih Filipino pawlkom pawl in tuah.

          Kumhnih a rei hnu ah, Filipino Biakthawinak ih tel tu pawl in Roman Catholic ih thupit zet mi Naute Jesuh, Santo Nino ih puaini cu Jan 15, 2023 ah Philippines le a dang leitlunhuap ih Filipino pawlkom pawl ih an rak tuah mi ah lamzin tluan ah hmuh a theih. Philippines ram Cebu ah Santo Nino de Cebu rang puaipi ni ah Biakthawinakah minung 3 million hnak ih tam an rak tel.

          The Cebu City Police Office ih sim vek a si le, 3 million hrawng cu nazi 3-4 hrawng rei mi caanserh ah an rak tel.Senor Sto. Nino ih zuk cu Jan 14, Cebu khuapi ah Sto. Nino: Our Source of Peace in Walk of Faith puaini tuahnak vei 458 nak an rak tuah. Cebu ih ke in rak tel tu pawl le leitlunhuap hmun dangdang ih um tu pawl in Santo Nino zuk thawn Cebu lamzin kiangkap ah 5.6 km h ah an rak tel.

          Cebu Archbishop Jose S. Palma in Basilica Minor del Santo Nino de Cebu ah puaipi ni ih Mass raithawinak a rak hruaikai ih Cebu Auxiliary Bishop Emiratus Antonio Ranola, Bishop Oscar Cantu (Diocese of San Jose, California), Fr. Nelson Zerda (Rector of the Basilica), the Augustine friars le a dang a tlawng tu Puithiam pawl an rak tel ve.

Leitlunhuap puaini

          Biakthawinak ih teltu pawl le khuapi ih a dang parish pawl khal in puaini an rak hmang ve. Mass raithawinak pawl le caanserh pawl cu Philippines ram ih hmun hrekkhat, Sto Nino upatnak hngetkhoh zet nak hmun, Manila ih Tondo le Pandacan pawl ah an rak tuah. Khuapi tluan ih Parish pawl khal in caanserh an rak tuah ih Sto Nino zuk pawl thawn tel pi ve dingah an Parish ih mipi pawl an rak sawm.The Middle East ih United Arab Emirates ah Filipino pawl in the Apostolic Vicariate of Southern Arabia ih Vicar General Troy Delos Santo, OFM Cap ih hruaikainak thawn puai ni an rak hmang.

Sto Nino ih thuanthu

          Naute Jesuh ih zuk cu Spain hrangih Portuguese explorer in Ferdinand Magellan ihsin baptism laknak laksawng ah Hara Amihan ih a rak ken mi a si. Cebu ih Hara Amiha cu (nunnak cem zo mi Queen Juana) le a pasal Cebu ih Rajah Humanbon in Christian zumnak hmaisabik ih rak cohlang tu hmaisabik rampi an si ihhlei ah 1521 ah an mipi 800 hrawng baptism an rak pek.  Zuk cu Sto Nino de Cebu tiih mi theih tam zet mi a si ih Ram ih Magellan’s Cross tluan ah Christian rothil sunglawi bik mi a si.

          Mactan Battle ih Magellan ih thihnak ah zuk cu a rak hlo ih 1565 ah Miguel Lopez de Legazpi ih pacang pawl in an rak hawl hmu sal. Zuk cu the Basilica Minore del Santo Nino de Cebu ah a um ih Philippines ih Biakinn hlunbik mi, zuk an rak hmuhnak kiangah an rak sak. April 28, 1565 ah Naute Jesuh hmuhsalnak pholang in puai ni lam a rak hmuh. Sto Nino zuk cu Philippines ram ih Christian pawl hrangah lamhmuhtu dingih an zum mi a si.

          Hi thuthang cu RVA ih kan ngah mi a si.

https://bit.ly/3iF8XRU

Add new comment

10 + 1 =