St. Peter Biakinnih pek mi a hlu pawl in Pope ih zaangfahnak (Karuhna) hnatuan pawl tam pin a bawm thei. (June 29.2021)

St. Peter Biakinnih pek mi a hlu pawl cu Pope ih zaangfahnak  (Karuhna) hnatuan pawl tam pin a bawm thei. (June 29.2021)

            Leitlun pulhnat sung Pope Francis cu thawthawt nak cet cutivek harhdam nak ih hmanmi thilri pawl cu Latin America ihsin Tuluk ram ah a kuat. Cutivek karuna hnatuan pawl ah hmanmi paisa cu Pope in khui tawk in a ngah. Kumtin June 29 ni cu St.Peter tei ih puai ni asiih khatlam in cun "Pope ni" tiin hminsin a si. Cuini ah Catholic mipi pawl sung ihsin ngahmi a hlu paisa pawl cu Pope in a mai karuna hnatuan pawl ah a hmang.

            Atuvekih thil cang mi cu 1871 ah Pope Pius IX in a rak thok mi a si. Asinan kum zabi 17 ah Angelo Saxons pawl Kohhran sung an luh tikah Rome khuapi par ih rintlak nak langter nak in kumtin bomnak an pek caan ah hmuh theih ih langter nak asiih "Denarius Sancti Petri" St.Peter ih pek awk nak tiin kawh a si. Vatican ih sumpai lam hnatuan tu asimi Juan Antonio Gurrero Alves in a tui caanserh cu 2019 kum ah dolar tan 64, 2020 ah dolar tan 50, ngahmi asivekin hman mi pawl hrangah a cemmi pawl khal a tam vivo thu an sim. 2015 ah fund paisa dolar tan 380 a um nan a tui caan ahcun dolar tan 245 lawng a um thu an sim ih Kohhranih karuna hnatuan pawl cu Catholic mipi pawl ih terh sian nak par ah a bun awk thu an sim. Himi thuthang cu Rome Reports ihsin kan don mi a si.

Photo courtesy of Patheos/google images

https://bit.ly/3h0MR8G