St.Ignatius ih a nun thlengnak kum 500 kim hngilh lo nak ah zuk suai zuamawk nak tuah

st._ignatius_a_nunthlengnak_kum_500_kim_hngilh_lonak_zuksuai_zuamawknak.

St.Ignatius ih a nun thlengnak kum 500 kim hngilh lo nak ah zuk suai zuamawk nak tuah

              Jesuit kaing din tu St.Ignatius ih a nunthleng nak kum 500 kim hngilh lo nak zuksuai zuamawknak cu 2022, June 18 ah an tuah ih 30.7.2022 ah laksawng ngah tu cazin an than ding. Zuamawknak ih thulu cu “Loyola khuapi ih St.Ignatius nauhak pawl le mino pawl ih hmuhnak” St.Ignatius of Loyola seen by Children and Young People tiin a si. Cui zuk suai zuamawknak cu Yangon Archdiocese Pathian riantuan tu nauhak pawl pawlkom le Jesuit kaing asilole Jesuit pawlkom ih Puithiam pawl kom khawm in Jesuit kiang din tu Ignatius ih nuncan thleng nak kum 500 kim hngilh lo nak zuk suai zuamawknak tuah nak a si.

              Zuamawknak ih nauhak pawl cu kum 6 tiang khan khat, kum 7-8 tiang khan khat, kum 9-10 tiang khan khat, 11-13 khan khat, kum 14-15 ah khan khat cu tiin kum ih zir in khan 5 then in an zuam awk nak a si. Kum 6 ih khan 1 ah a pakhat nak ngah tu cu Epiphany Church ih Claire Hghee, a pahnihnak ngah tu cu St.Mary’s Cathedral in Elia Phyo an si.

              Kum 7-8 tiang khan ah a pakhat nak ngah tu cu St.Theresa Chruch ihsin Lucia Eaint Khit Maw Oo, a pahnihnak ngah tu St.Gabriel Church ihsin Angeline Lin Latt Yadi, a pathumnak ngah tu cu Ss.Peter le Paul Church ihsin John Chit Sitt Aung pawl an si. Kum 9-10 khan ah a pakhat nak ngah tu cu St.Gabriel Chruch ihsin Win Twel Tur Oo, a pahnihnak ngah tu cu St.Mary’s Cathedral ihsin Genina Fatima, a pathumnak ngah tu cu Epiphany Church ihsin George Ye Yint le Justa Su Yamone Thaw pawl an si.

              Kum 11-13 tiang khan ah a pakhat nak ngah tu cu St.Francis Xavier Church Thanlynn ihsin Rosita Thoon Thiri Kyaw le St. Joseph Church ihsin Jekalin, a pahnihnak ngah tu cu Ss.Peter le Paul Church ihsin Fatima Faustina le Infact Jesus Church ihsin Jacinta, a pathumnak ngah tu cu St.Lazarus Peter Paul an si. Ahleice in laksawng ngah tu cu Fatima Church ihsin Felicia Sein Lae Myint Mo a si.

              Pehbet in kum 14-15 tiang khan ah pakhat nak ngah tu cu Ss. Peter le Paul ihsin Bosco Khan Luu Thit, pahnihnak ngah tu cu St.Lazarus Church ihsin Mary Jean Shwe Nay Chi le Ss.Peter le Paul Church ihsin Theresa Nan Win Oo Tii Khant, pathumnak ngah tu cu Holy Family ihsin Francis Min Sin Oo le Holy Innocent Chruch ih Moses David pawl in laksawng a phunphun an ngah.

              Zuamawknak tuahnak ih tumtah mi cu nauhak pawl dinhmun in “St.Ignatius ih nunram hnatuan mi pawl langter dingah, St.Ignatius ih thlengawknak kum 500 kim hngilh lo dingah, St.Ignatius ih ngan mi cu spiritual Exercise kha zingzoi dingah, St.Ignatius ih a famkim mi thlarau lam ro pawl cu mino pawl le nauhak pawl in thei deuhdeuh dingah, St.Ignatius ih hmuhnak ruahnak pawl thei dingah, Mithianghlim pawl cu tuisan ih lamhmuh tu tleunak asi thu langter dingah cuvek tumtah nak thawn zuksuai zuam awknak tuahnak asi thu, Yangon Archdiocese ih riantuan nauhak pawl pawlkom President Daw Pyi Pyi Aung in RVA ah a sim.

              June 18 niah Yangon khuapi, St.Mary Cathedral ah zuksuai zuamawknak an tuah nak a si. Yangon Archdiocese sungih Catholic pawlkom a phunphun ih zuam tu pawl cu 161 an zuam ih 21 in laksawng an ngah. Laksawng ngah tu 21 cu Yangon Archdiocese ih riantuan mino pawl pawlkom in laksawng an pe dingih laksawng ngah 21 ih zuksuai mi pawl cu Poland ram ah an kuat bet ih ramtin nauhak pawl thawn an zuam aw bet ding. Hi thuthang cu RVA Myanmar in kan don mi a si.

https://bit.ly/3bIZB3w

Add new comment

7 + 2 =