St.Joseph cu Philippines ram, Quezon khuapi kilkhawi tu Mithianghlim tiin than (February 21, 2022)

St.Joseph cu Philippines ram, Quezon khuapi kilkhawi tu Mithianghlim tiin than

(February 21, 2022)

              Philippines ram ih khuapi pakhat asimi Quezon khuapi ih cozah in St.Joseph cu an khuapi kilkhawi tu Mithianghlim tiin an than. Cui caanserh ah khuapi uktu Joy Belmonte, ruah nak pe tu pawlkom sungtel asimi Jorge Banal Sr., Wency Lagubay le ramthen 3 ih tuanvo nei tu Tommy de Castro pawl an tel. A hlan ah himi thuthan mi an suah zo ih, a tu cu caanserh an hman nak a si. Atuvekih an than nak cu Cubao khuapi ih Bishop Honesto Ongtioco ih dil nak an thlun nak khal a si.

              Cui caanserh cu February 19 niah Missa raithawinak thawn St.Joseph Parish Puithiam Ronaldo M.Macale in hoha in an tuah. Missa raithawi nak khalah khuapi le cozah pawlkom sung tel pawl, Catholic mi pawl tel in an tuah. Bishop ih tulnak cu a tuvekih silhkhah sak a si ruangah Bishop le Kohhran aiawh in khuapi uktu le cozah pawlkom sungtel pawl hnen a lungawi thu a sim.

              Himi Parish cu St.Joseph tiin an nemhngetih, St.Joseph inn khal 1951,November 23 ah an sak. St.Joseph inn cu “Anonas” tlangleng colhnak thawn a nai. A thoklam ah himi cu Cubao Diocese sungih khua 8 zoh dingah a si. Quezon khuapi cu Philippines ih minung tambik nak khuapi khal a si. 2020 ih mipum cazin vekin mipum 1960048 an um thu theih a si. Hi mi khuapi cu (Oct,12,1939) ah din asiih, Philippines ih a pahnih nak President Manuel L.Quezon sunloih nak in a hmin an pek. Himi thuthang cu RVA thuthang ihsin kan don mi a si.

https://bit.ly/3vf9gGL