Sumpai thu puhmawh in harhdam nak kilkhawi nak kha daithlang lo dingah Pope in forhfial September 11, 2020

Sumpai thu puhmawh in harhdam nak kilkhawi nak kha daithlang lo dingah Pope in forhfial

September 11, 2020

            Sumpai harsatnak puhmawh in harhdam nak hnatuan pawl le minaa pawl karlakah daamnak kha daithlang lo dingin Pope in tlawngkai ni nga (September 11) ni ah ram tinkim cancer nat do kham nak pawlkom thawn tongawknak ah a sim. Minung khat le khat zangfah nak siivai tuamhlawm nak ah siibawi pakhat ciar thawn zianghman a sai loih harhdam nak zate thawn a pehpar aw. Harhdamnak kilkhawinak hrangah sumpai cem mi puhmawh in nat a tuar tu pawl tan san ding a si lo. Nat a tuar tu pawl hnen zangfah nak thinlung nei in mai pungcawm nak tuah dingah, minaa pawl dam ter nakah nat nak lawng siloin an thinlung lam, an ruah nak lam, thlarau lam pawl khal dam dingah, ziangahtile mina pakhat ciar cu minung an si. Curuangah ziang vek sii a tul, ziangtin ei ding tiin sim ding lawng asi lo. Mina pakhat cu mina asi ko nan thaten zangfah nak thawn tuamhlawm asile, siibawi pawl ih thiam nak, siivai ih that nak cu zum nak a tam deuhdeuh ti mi cu an hmuh ton mi von ruat sal cio uh. Cutikah a tha mi a suak ding a si.

            Pope cu a miat ngah nak ruah san loin siivai tuamhlam nak a tultu pawl a bawm tu pawlkom pawl a lawm ih, zingzoi nak tuah dingah cun sumpai a tul timi cu a hman. Asinan zingzoi nak le nat dam ter nak tahnak pahnih cu bangran dingin rem sal theih dingah ruahsan nak a um. Himi dinhmun pahnih ah mina pawl siivai tuamhlawm nak cu a hmaisa bikah a thupi ah ret ding. Cuvek thothoin harhdam nak hnatuan pawlah tha zet ih dam ter nak khal hngilh a ngah lo. Curuangah a ro pi in a mawi zet lonan colh theih nak inn pawl khal ruah sak in, a tul mi thazang khal ngah sal in tuah pehbet a ngah ding asi. A tu ti mi cancer nat kham nak pawlkom cu 1985 kum ah an din thok. Tui kum ah thurelkhawm nak cu covid nat sia ruangah minung tong aw in tuah a theih lo ruangah an nemhngek cia mi vekin September 10 ihsin  13 ni tiang online ihsin tuah a si. Himi thuthang cu CNA thuthang ihsin kan ngah mi a si.

https://bit.ly/3iyHM5O