Swiss Vatican kiltu in kan dung thlawngkai ninga ni ah an phuaih sungtel pahnih in covid nat hrik an ngah tiah a sim. October 23, 2020

Swiss Vatican kiltu in kan dung thlawngkai ninga ni ah an phuaih sungtel pahnih in covid nat hrik an ngah tiah a sim.

October 23, 2020

         Leitlunhuap ah a fa te bik a sinain, u pabik dinhmun in a ding tu ralkap in catlang pakhat ah October 23 ih a sim mi cu tu cu Vatican kilhimtu 13 in covid nat hrik an ngah zo tiah a rak sim.

         Vatican kilhimtu zohman sizungah an ret lo. An zaten taksa, khuh khuh le thilrim theih lo nak pawl lawng an hmu ih an harhdamnak cu tha ten an tuamhlawm ding tiah a sim.

         “An dam cih ko ding tiah kan ruahsan. Cu lawngah Vatican kiltu pawl in harhdam zet in le him ten an ti thei tawk in an hna an tuan thei sal ding” tiah a sim.

         October 12 ih thuthangih thusuhnak ah Holy See press zungih Director, Matteo Bruni in Vatican kiltu pali nathrik an neih thu a rak sim.

         October 15 ah ralkap 135 a tel mi pawlkom sungin pasarih in nathrik an ngah thu a rak than.

         Italy harhdamnak zungin kan dung tlawngkai ninga ah ram in nazi pakhat ah nathrik ngah tu 19,143 an um tiah a sim. Italy ih um a hrekkhat in 186,002 le Vatican tel in Lazio kiangkap in 19, 821 in nathrik an ngah tiah a rak sim.

         Pope Francis in October 2 ah mipi sungin Swiss ralkap thar 38 a rak cohlang.

         “Hi tawk ih nan tikcu caan hman mi hi a danglam deuh mi a um ding. Cu mi cu thlarau lam nunram in le duhsan nei zet le lungawi mi Christian ah unau thinlung thawn khat le khat bawm awk ding,” tiah a rak sim hai.

         Hi mi thuthang cu October 23, 2020 ah CNA thuthang ih kan ngah mi a si.

Credit: Daniel Ibáñez/CNA.

https://bit.ly/2Tlw6Zb