Syro-Malabar Melbourne diocese in Bishop thar ngah.

Syro-Malabar Melbourne diocese in Bishop thar ngah.

Pope Francis in Carmelites of Mary Immaculate (CMI) congregation ih Puithiam Fr.John Panamthottathil cu Australia, Melbourne ih St.Thomas Syro Malabar diocese ah Bishop thar tiin a khaisang. Pope in kum 75 a ti zo mi Australia Melbourne ih Bishop Bosco Puthur ih colh dil nak ca  rak cohlang.

          Thuthannak cu Cardinal George Alencherry in kochi ih syro Malabar kohhran ah January 6-14 tiang tuah mi avei 31 nak syro malabar ih Bishop pawl synod thurelkhawmnak ah a rak than. Vatican in thuthan an theih ter cih. Major Archbishop Cardinal George Alencherry le Melbourne ih Bishop Bosco Puthur khal in Bishop hril nak ruangah an sunloih.

          Msgr. John Panamthottathil ,C.M.I cu India ram Tellicherry archdiocese Peravour ah 1966 May 31 ah a rak suak ih, Kerala, Kozhikode ih the Carmelite of Mary Immaculate ah fim a zir ih 1994 ah solemn profession a ngah. 1997 December 26 ah Puithiam ordination a ngah. Dharamaram college ah philosophy le theology a rak zir ih, Zozhikode ih Devagiri college ihsin Master of Arsts timi laksawng a ngah ih Mannanm ih St.Joseph college3 ihisn fimthiamnak lam in Master angah.

          Thamarassery ih koodaranj ah Parish Puithiam a tuan ih Arulnilayam ih moring star english medium ah ca a zirh. Provicial superior tiin tumhnih hril a siih caan reilote ah USA ih Nashville diocese ih zungah rian a tuan. 2015 ihsin 2020 tiang Australia ah Pathian thu phuannak ah rian a tuan ih Brisbane ih St.Stephen Cathedral ah parish puithiam tiin le Regent part ih St. Bernadine kohhhran khalah Parish Puithiam tiin a tuan. Syro Malabar Latin comminity pawl ah rian a tuan rero tu a si.

          Malabar, mirang le Hindi tong pawl a hmang. 2013 December 23 ah Pope Francis in Australia Melbourne ih St.Thomas ah the syro malabar le a tumhnihnak ah USA leiram lam ah a rak din. Pope Francis in Bishop Bosco Puthur cu Kerala ih Major Archiepiscopal Curia ah Bishop tiin an hril ih Eparchy ih a hmaisabik Bishop asi. Bishop Bosco Puthur cu 2014 March 25 ah Melbourne ah rian a tuan. Himi thuthang cu RVA ihsin kan don mi a si. 

https://bit.ly/3IRmwYR