Thaal caan duhphorhnak ih nunnak a liam tu miral tha pawl hrangah Catholic Sister pawl in thla an cam sak. March 7, 2021

Thaal caan duhphorhnak ih nunnak a liam tu miral tha pawl hrangah Catholic Sister pawl in thla an cam sak.

March 7, 2021

          Kawlram ih 2021, February 1 ni ah ralkap ih Aanaa lon nak duhphorhnak pawl a cang rero ih cui buainak sungih nunnak rak liam tu pawl hrangah Kawlram ih Pathian hnatuantu Catholic Sister pawl in thlacam sak nak an rak nei.

          Mandalay lamzin nN. 82 ih St. Joseph Catholic Sister pawl in March 6 ni, zaanlam ah Rest In Peace (RIP) ti mi cafang cu phayawngtaing pawl vang in cafang langsar ter nak in siseh, ngainak pangpar kual re ih siseh, a thi tu pawl hrangih sak mi Pathian hla pawl sak in a thi zo tu martyr pawl upat phah in thla an rak cam sak.

          Kawlram ih a cang rero mi riahsia zet mi pawl, mi tampi that nak hrangah nunnak a liam tu fa le nau pawl zate hrangah mai Biaknak lam a phunphun ih thatnak ih an thlen thei nak ding hrangah kan tuah thei mi te kan tuah sak.

          Pathian riantuantu pakhat dinhmun in danglam zet in tel thei lo hman sehla tui caan ah Democracy hrangah hmainor in a do rero tu fa le nau zaten him zet ih an um thei nak dingah le Kawlram remdai ten a dik mi Democracy ngah dingah nitin a hleice in thla kan cam sak rero tiin St. Joseph Sr. pakhat a si mi Sr. Lucy in a rak sim.

          Hi thuthang cu RVA Myanmar ih kan don mi a si.