A thangso rero lai mi ram pawl ah kumtin nauhak tan hnih hrawng thathnem nak um lo in an hrin thu. October 9, 2020

A thangso rero lai mi ram pawl ah kumtin nauhak tan hnih hrawng thathnem nak um lo in an hrin thu. October 9, 2020

         Unicef le leitlunhuap harhdamnak pawlkom (WHO) pawl ih sim mi vek si le 2019 ah nauhak tanhnih (2000000) hrawng thi cia ih an suah thu theih a si. Cui nauvon tu pawl cu a farah mi ram pawl in an si. Corona lockdown caan ah cui a thi mi zateek a rak thang. Hnon a tuar mi “leilung pumpuluk thawn pehpar ih suah nak” ti mi cu ca sungah a thi mi nauhak pawl ih 84% zatek cu a thangso rero lai mi ram pawl in an si.

         Cui cazin ah nauvon laiih thih nak le hrin lai ih thih nak pawl a tel. Second 16 tin ah naute pakhat a thih thu, cui thih nak ih a hrek cu Sahara nelrawn, Africa le Asia a lai fan nak, Asia thlanglam pawl ah a cang rero. A thangso zo mi Europe, Australia le America pawl ah cun zateek paruk lawng a um.  Hrin lai ih a thi mi nauhak pawl ih zateek 40% cu humhim nak, dam ternak, harhdamnak theih mi an neih lo ruangah a si. Nepal ram ih um siizung pakua cu August thla sungih cazin an lak mi vek si le covid sungih a thi mi nauhak an tam deuhdeuh.

         March thla sung nauvon tu 1000 ah zateek 14% an um ko nain May thlacem lockdown caan ah mipum 1000 cu mipum 21 tiang an rak thi. Hi thuthang cu October 9, 2020 ah Aleteia thuthang ih kan ngah mi a si.

Photo courtesy of: Liderina | Shutterstock

https://bit.ly/2FobMmy