Thanjavur ih Bishop Devadass Ambrose cawl.

bishop_devadass_ambrose_kum_kim_in_cawl

Thanjavur ih Bishop Devadass Ambrose cawl.

          Pope Francis in Canon upadi 401 vekin le a cang thei mi thu a si thawn Feb 04 ah Tanjore Diocese ih pastoral governance ihsin kum 75 kim zo mi Bishop Devadass Ambrose ih colhnak a rak cohlang. A mah cu 1947, Oct 6 ah Ammapet khua ah a rak suak. Ukkadai appava thevar High School ah hramthok tlawng a rak kai ih Sri Pushpam College ah Pre-University tindaan a rak thehsuak.

          1964, Aug 5 ah Puithiam sahriak culhnak a rak ngah ih Bangalore ih St. Peter’s Pontifical Seminary hotu ah tuanvo an rak pek. 1980-1984 tiang, Rome ih the Biblical Institute ah tlawng a rak kai ih 1991-1994 tiang Paris ih Catholic University ah a rak kai.

          Jerusalem khuapi ih Hebrew University ihsin Biblical zirnak lam ah diploma khal a rak ngah. Devadass Ambrose cu 1997, July 14 ah Thanjavur Bishop hmin cazin sungah a rak tel ve ih 1997, Sep 24 ah Bishop cannak a rak ngah. 2018-2021 karlak ah Tiruchirappalli ih the Apostolic Administrator dinhmun in a rak tuan.

          Lamhmuhnak hna a tuannak, a hleice in tlawng thar pawl le college pawl dinnak hrangah a cang thei mi tlawng man thawn farah harsa mi nauhak pawl fimnak pe dingih lam a hmuhnak ruangah mi in an rak thei ram. Tu ahcun cin le daan phunphun thawn fimzirnak sang mi tlawng pawl a malbik 5 a um.

          Hi thuthang cu RVA thuthang ih kan ngah mi a si.

https://bit.ly/3jrrotK

Add new comment

8 + 6 =