Thi dingih thupeknak cem ter dingah American Catholic Bishop pawl in an dil. September 23, 2020

Thi dingih thupeknak cem ter dingah American Catholic Bishop pawl in dil. September 23, 2020

         Kan dung tlawngkai nihnih ni ih thuthannak ah Oklahoma ih Archbishop le American Catholic Bishop pawl pawlkom ih hohatu khal a si mi Paul S. Coakley le American Catholic Bishop pawl pawlkom ih milai nunnak humhim nak a phuaih ih hohatu khal a si mi Archbishop Joseph F. Naumann pawl in July thla ihsin thok in America ah thi dingih thu pek mi panga a um zo thu, hi thilcang cu a hlan kumzabi pawl hnak in a tam deuhdeuh thu a rak sim.

         Kan dung tlawngkai nihnih ni ah federal a cozah in William Emmett LeCroy cu hridai a rak pek. A mah cu a liam cia mi kum 19 hrawngah Georgia ih kum 30 a kim mi nurse pakhat cu an sual pi hnu ih a thah nak ruangah kum reipi thawng a rak tla.

         A mah cu kum 2004 ih thi dingih thu pek mi a si. Tlawngkai nili ni khal ah Christopher Vialva hnenah that dingah thu a rak pek. A mah cu 1999 ah Texas ramthen ah mi pakhat methal thawn a rak kah nak thu a si.

         Cui caan ah cun kum kim lo a rak si. A nu in a fapa thi dingih thu pek nak in luat dingah President Trump hnenah zaangfah a rak dil. Bishop pawl in Diocese dinhmun in thazaang hmang ih sual nak a tuah tu cu a sual dan ih zir in hrem nak pek ding a si.

Cu vek in cu pawl sual tuah nawn lo dingah tuanvo lak a tul. Tuanvo lak nak le thudik lairelnak in rem sal nak ih bawmtu thenkhat a si.

          Harsatnak cang lo dingih tuanvo lak nak a tul. Cu vekin pawlkom humhimnak khal a si. Asinain, hridai thawn thah awk nak cu a tul lo vekin cohlan lo mi a si. Pope St. Paul a pahnih nak, a cawl zo tu Pope Benedict hleiruk nak le Pope Francis pawl khal in fiang zetin thu an rak suah.

Tu kum July thla ah America ih hotu in hi thuhla thawn pehpar ih thureltlang dingah an el. Curuangah Trump a cozah si nakin khal kumzabi pahnih lai ih dan a thluntu daan cu a hmaisabik an rak thlun.

Cui thu bohcatnak thawn pehpar in Coakley in a thinnuam lo thu, thi dingih thu pek nak cu ziang vek dinhmun khal ah a dik tiih a zum lo ding thu, Nu Pawlpi dinhmun in hi thupek bal nak hrangah kum reipi that hlo zet in federal a cozah lawng si lo in ramthen a cozah khal dodal nak an tuah nak thu cu Vatican thuthang zung ih suh nak ah a rak sim.

         August thla khal ah Lezmond Mitchell le Keith Dwayne Nelson cu cawhkuan an rak pek. July thla sungah ni dang dang ah minung pathum cu thi dingah thu pek an rak tuar. Hi thuthang cu September 23, 2020 ah Vatican thuthang ih kan ngah mi a si.

https://bit.ly/2ECOXeq