Thi dingih thupeknak an dodal thu Philippine Bishop pawl nasa zet in an sim bet August 10, 2020

Thi dingih thupeknak an dodal thu Philippine Bishop pawl nasa zet in an sim bet

August 10, 2020

            Philippine cu Asia ni suahnak thlanglam lawng siloin, Asia continent ah pakhat lawng asimi Catholic a tambik mi ram tiin ti mi a si. Asinan neita lamah Nu Pawlpi ih a pom lo mi thi dingih thupek nak daan an hmang. Cutivekih an hman nak cu Catholic Bishop pawl in nasazet in an kham zo. Cutivekin a tu khalah Catholic Bishop pawl in nasazet le aw ring zet in an kham sal.

            Philippine ramah thi dingih thupeknak kha an thuanthu khal ah an rak um dah. 1980 kum Ferdinand Marcos ih uk nak a cem tikah thi dingih thu pek nak malte sung an cawl thei. Asinan 1999 kumah an hmang sal. 2006 kumah daan tiin an lang ter. A tui ram uk tu Rodrigo Duterte khal in himi daan hmang thei sal dingah a thang phok. Philippine mi tampi khal in a thil tuah mi an pom thu an sim. Ram thurelkhawm nak khal ah pom thei dingah vei tampi thu an rel.

            Bishop pawl ih dodal nak thu hla cua liam zo mi zarh ah Bishop pawl pawlkom ih thawngtla pawl ih Biak nak lam silhkhah sak nak committe ih thu suah mi ah mi pakhat thah nak cu a suah keh mi si nak siat suah nak a si. Cui suah keh si nak cu thi ding tlak sual a tuah ruangah a hloh lo thu, cui thu than mi ah thi ding ih thupek nak cu a tha lo zet mi mi nun thah nak a si thu, minung nunnak cu minung sinak a si thu, himi thi dingih thupek nak in minung sinak a pilh thu Pope Francis ih a sim mi pehpar in khal an sim.

            Pathian in minung pawl hrangah pawlkom pakhat a timtuah. Cui pawlkom cu mi that dingin thu pe loin, airulhnak tha a pe. Sual nak rungih thi ding thu pek nak cu thleng aw dignih din hmunih pek lo mi a neitabik tuah nak a si. Ziangruangahtile mai sualnak ruangah sualsir dingah, thleng aw dingah caan la ih zuam nak a um nawn lo. Cutivekih a famkim lomi thu hla ruang khalah thu dik lo sual nak ruangih tuah mi phun khal tuah a theih thu, sual nak a tuah tu thleng aw dingah caan tha pe lo nakah a cang. A hman mi daan uk awknak cu sual tuah tu pawl thlengawk ank caan tha an pe. Hrem ding lawng lawng a si lo. Hrem nak thawn thleng aw dingah zuam nak caan khal pek a tul. Thi ding ih timi a tam sawn cu thil ri nei mal pawl, hnon a tuar tu pawl lawng an si thu, Philippine ram in thi dingih thu tuah nak cu neitalam ah tuah nawn lo dingin ram tinkim thawn khal an lung a kim. Himi daan tuah sal nak cu cui ram pawl thawn lungrual nak pahbal ah a cang thu, ram tinkim dinhmun ah rampi ih si nak khal nasazet in a hnawihnih thei thu an sim.

Thi dingih thupek nak aiah a dang hril nak

            Thi ding ih thu pek nak hmang dingih zuam nak aiin covid-19 kha thaten do kham thei dingah zuam a tul thu, daan thleng dingah a tul thu, nuncaan tha lo pawl a hrampi ihsin hua dingah, mi sual pawl rem that daan khal thleng dingah, mi pakhat ih zalen nak sung rero tu pawl kilkhawi ding. Curuangah minung nunnak hrangah kanmah pawl hmunkhat ah ding tlang uhsi. Khat le khat dam aw ter tlang uhsi tiih forhfial phah in thu than nak cu an bang. Hiti thuthang cu Vatican thuthang ihsin kan ngah mi a si.

https://bit.ly/30RFZ5f