A thi zo tu pawl hrangah thlacam ni ah Pope Francis Missa raithawi nak a tuah November 2, 2020

A thi zo tu pawl hrangah thlacam ni ah Pope Francis Missa raithawi nak a tuah

November 2, 2020

            November ni 2 ni cu a thi zo tu pawl ih thlarau7 hrangah thlacam sak ni asi ruangah cui ni cu Pope Francis khal Vatican sungih Pontinfical Teutonic College ah a thi zo tu pawlih thlarau pawl hrangah Missa raithawi nak a tuah. Covid ruangah mimalte lawng an tel thei ih choir pawlkom pawl le Pope khal mask a bun.

            Cumi Pathian thuthangtha ah Pope in Bible veikhat nak sungih Job ih harsat nak karlakih ruahsan nak ni cu Pathian kha hmu ding timi a nunnak ruahsan nak timi cu laksawng a si. Mah lawng lak a ngah lo. Bawipa ruahsan nak in pe hram aw tiin dil dingmi laksawng a si tiin ruat phah in thu a sim mi a si. Missa raithawi nak theh ahcun Pope cu Teutonic thlan ah a feh ih thlan pawl thluasuah a pek ih a thi tu pawl hrangah thla a cam sak. Covid ruangah khal siseh, kilkhawi phah in siseh a thi zo tu pawl hrang khalah Pope in thla a cam sak.

            Cui hnu ahcun Vatican St.Peter Bacilica biakinnpi ih leitang thlan asimi nunnak a cem zo tu a hlan Pope pawl ih thlan pawlah a feh ih thla a cam sak thu a hmaisa ahcun 2019 kum ih Mithianghlim ih khaisan mi Pope Pawl VI thlan, Pope John Paul I than, Pope Benedict XV thlan, Pope Pius XII thlan pawl le a hmaisabik Pope asimi St.Peter ih thlan hmaiah thla a cam thu cu Rome Reports thuthang ihsin kan ngah mi a si.

Photo courtesy of : CBS News

https://bit.ly/2HP9uyf