A thianghlim mi leiram ah Khristian mino pawl um thei dingah fim zir nak laksawng pawl bawm (August 27, 2020)

A thianghlim mi leiram ah Khristian mino pawl um thei dingah fim zir nak laksawng pawl bawm

August 27, 2020

            Bawi Jesuh san lai ihsin a thianghlim mi leiram ah Khristian pawl an um nan a tu caan ah cun hmun nuam deuh ih an vai nak cu kumkhat hnu kumkhat a thang ih, cui hmunah Khristian pawl an hlo ral ding ti tla phan a um tiin a sim.

            A thianghlim mi hmun ih a um tu Franciscan kilhim nak pawlkom cu cui hmunah Khristian pawl um pehbet thei dingah scholarship pawl an pe ih, tlawngta pawl cu um duh dingin an hip. Scholarship 500 hrawng an pe ih, a thang so mi fim thiam na le hnatuan ngah nak khal an aamahkhan thu Franciscan Br.Ramzi Sidawi in a sim. Zatek 95 scholarship ngah tu pawl cu sii fim nak, sumdawn nak pawl an zingzoi rero.

            Anmah pawl in Franciscan pawl kom hnen an lung a awi ih, kanmah khal kan lung a awi tiin cui pawlkom in an sim. Kum tin good friday ih hril mi a thianghlim mi leiram hrangah an lak mi paisa cu covid-19 ruagnah an la thei lo. September 13 ah cui a hlu paisa cu aiawh in laksal ding asiih, cui paisa pawl cu a thianghlim mi leiram ih Khristian innsang pawl ih tul mi pawl le fale pawl ih fim thiam nak ah hmang ding asi tiin theih a si. Himi thuthang cu Aleteia thuthang ihsin kan ngah mi a si.

Source: Aleteia

https://bit.ly/2Dg0gZk