Thianghlim zarh (holy week) a thok nakah Spain ih Bawinu zuk pathum meisa kang.

Thianghlim zarh (holy week) a thok nakah Spain ih Bawinu zuk pathum meisa kang.

         Spain ram ah holy week caan ah thing thawn tuah mi Bawinu Mary ih zuk pathum cu meisa thawn kangin siatsuah a si. Hi thil cang cu rinlopin thil cang a bang. Spain ih Bawinu zuk pawl cu puan thawn ceimawi a si. Zarhte le zarhpi ah pahnih cu phayawngtai tlet mi in le a dang pakhat cu electric hri thawn a cang thei tiin an sim. Holy week ah Cadix ih Chiclana khua mi in phayawngtai ti a tla mi thawn Holy Week thlen hlan tlawngkai ninga March 31 ah Bawinu zuk a kang. Spain ah cun ninga sun cu thinnat caan asi vekin a fapa ih tuarnak ruangah Bawinu ih nat nak pasarih a tuar nak a si.

          Bawinu Maria khuhnak puan pawl cu a kang theh ih a hmai le a vorhlam kut a kang ti in an sim asinan meisa in Bawi Jesuh ih zuk cu a kang lo. Van that nak in zo hman meisa thawn tuahmawh aw an um lo. Spain ah pawlkom in lamfeh nak cu brotherhood pawl tiin an ko. Velez Malaga khuapi ih palm Sunday ni El Rocio Bawinu a kang lai ah meimit a tum tu pahnih hliam an ngah.

          Bawi Jesuh zuk thawn Triumphal in Jerusalem ih Virgin of El Rocio ih an luh lai ah phayawngtai a tla ih meisa kang nak a cang. An khuh nak puanpawl cu a kang theh. Thil siat mi cu a nasa tuk lo tiin an sim. Thil cang mi pawl sim bet vivo dingah a tiam ih "duhdawtnak, kilhimnak le mipawl ih thukam pek nak a lang" tiin a sim.

          Seville hmun Almaden de la Plata khuapi Holy Mary of Grace biakinn ah April 2-3 zan ah meisa kangnak a cang. An khuapi cozah ih an sim nak vekin "missa thawi nak hmai ih ret mi thil pawl a kang ih mei mit tu pawl in an mit thei" tiin an sim. Vansiat thlak zet in Bawinu zuk cu a siat zet. Meisa a kang tikah cutawkih um pawl cu meisa that tu le cutawk ih um pawl thawn an feh. An cang vaih nak thawn biakinn hmuahhmuah kang lo in an kham thei. Himi thuthang cu CNA thuthang ihsin kan don mi a si.

         https://bit.ly/3Kzb7gM