Thinglamtah zoh uh,khi tawk ah kan ruahsannak a um tiin Holy Week hrangah Pope Francis in ruahnak pek.

Thinglamtah zoh uh,khi tawk ah kan ruahsannak a um tiin Holy Week hrangah Pope Francis in ruahnak pek.

          Pope Francis in mipi pawl hnenah a tul bik mi lawng sunsak in ruahsannak ih hrampi a si mi Thinglamtah zoh dingah rah tha pawl tam zet mi Holy Week ziangtin tuah ding ti mi thawn pehpar in ruahnak a rak pek. Paschal Triduum thok hlan tlawngkai nithum ni, netabik mipi pawl hnenah, Pope in lamzin ah feh in riahsia zet in ‘an phone pawl lawngah remdaihnak le ruahsannak a um lo,’ tiah a rak sim.

          Holy Week sungah Bawi Jesuh hnenih hmuh thei mi ruahsannak taktak sunsak dingah, ‘ruahsannak hrangah ai-awh mi hman tlak lo mi pawl hrial dingah mipi pawl a rak forhfial. “Hi ni thianghlim pawl sungah, Thinglamtah ih thihnak tuar tu Bawi Jesuih hnenah pan cio uh si. Kan mah le kan mah hmailam ah ret aw cio uhsi…..mah le mah tlaitluang ten zoh aw in a tul lo mi pawl hlon cio uhsi. Bawi Jesuh in ‘ruahsannak in pe sal dingah mah le mah on aw cio uhsi” tiah Pope Francis in April 05 ni ih mipi pawl a tonnak cemnet nak ah a rak sim.

          “Hi mi hi a tul mi a si: ruahsannak hrangah ai-awh mi thil tampi hlon in thinlung, um lo theih lo mi thil pawl, a tlaitluangmi nunram ih feh a tul. Tui san ah ziang tinkim hi a hnok ih pumpek mi tlaitluannak, sinak ih man hlat zia, tansannak ih man hlat zia hawl hmu sal dingah, thinlung a baal ter ih riah a sia ter mi pawl hlon a tul,” tiah a rak sim.

          ‘U le nau pawl, nunram ah hriamhma a tuar lo tu kan um maw? Vei tampi cu ningzahnak ruangih kan thuh mi hriamhma pawl a um ko ding. A hlan ih mai duh hril mi pawl ih hriamhma pawl, theihthiam aw lo mi pawl, thinlung ih a taang lai mi, pah suak har zet mi riahsiatnak pawl pahsuak a har maw? A dik lo ih tuar mi pawl, a hriam zet mi tongkam pawl, zaangfahnak um lo ih thuthenak pawl kan tuar maw?

          “Pathian in kan hnen ihsin a taksa le a thlarau ih um mi a hriamhma pawl a thup lo. Kan hriamhma pawl, tleunak ih tuah dingah Easter (thawhsalnak) thawn catlang thar pakhat kan hmuh theinak dingah in hmuh a si.” Thinglamtah ihsin ngaidamnak le duhdawtnak in peknak thawngin, Bawi Jesuh in “thatlonak cu thatnak ah thleng in,” le “riahsiatnak cu duhdawtnak ah,” tiah a rak sim.

          “Curuangah tui ni ah, kan mai riahsiatnak, hriamhma pawl dam ter dingah kan mah ih ruahsannak nei dingah Thinglamtah ih thingkung zoh cio uhsi. Kan damlonak, riahsiatnak pawl hlo dingah, Pawlpi le leilungpi baal ter mi siatnak ihsin hlo dingah ruahsannak malte a tul,” tiah a rak sim.

          “U le nau pawl, Thinglamtah zoh cio uhsi….cu tawk ah kan ruahsannak a um.”Pope Francis in a thawthawtnak lam dam ter rero mi Gemelli siizung ihsin a suah hnu ah a mai hmaisabik mipi pawl thawn tonawknak ah Holy Week ih thu a rak sim.

          Tlawngkai nithum mipi pawl thawn tonawknak netabik ah, Pope Francis in Ukraine ram remdaihnak hrangah zaangfah a rak dil ih Holy Week sungah ralbuainak ruangih harsatnak tuartu pawl hrang thlacamsak dingah mipi pawl hnenah zaangfah a rak dil.

          “Bawi Jesuh ih tuarnak Holy Week sungah, dik lo ih a thihnak mansalnak ah, thatlonak a tuah tu pawl zaten a hleice in mangsal in an hrangih thlacamnak tuah lai ah, mi zate ih thinlung thlengnak dingah Pathian hnenah thlacam cio uhsi,” tiah a rak sim.

          “Bawinu Mariah zoh phah in, Thinglamtah ah ka ruahnak pawl cu nu le pawl hnenah a um vekin ralbuainak ih nunnak cem mi Ukraine le Russia ralkap pawl Bawinu hnenah thleng hram hai seh. An mah cu a thi zo mi fapa pawl ih nu an si. Hi mi nu pawl hrangah thlacam sak cio uhsi.”

          Hi thuthang cu CNA thuthang ih kan ngah mi a si.

https://bit.ly/3m9oafJ