Thinlung harhdamnak thupi ih ret nak ding caan a si zo July 15, 2020

camillian_father_dan_cancino_executive_secretary_of_the_cbcp_episcopal_commission_on_health_care._photo_from_fr._cancinos_fb_account.jpg

Thinlung harhdamnak thupi ih ret nak ding caan a si zo                                                                    July 15, 2020

            Corona virus pulhnat pi ruangah thinlung lam hnawihnih nak a tam vivo ih thinlung harhdam nak khal a thu piih ret ding caan a si thu Camillian pawlkom sungih Fr. Dan Cancino in a thupi ah ret in a sim. Amah rori khal mipi harhdamnak le suanawk nak nat dam ter tu siibawi asiih hleiah, Catholic Pawlpi harhdam nak commission ih secretary a si mi Fr. Dan Cancino in himi pulhnat cu minung pawl ih taksa harhdam nak lawng siloin thinlung lam harhdamnak khal a hnawihnih zo. Aliamzo mi thla sungah covid ruangah Quarantine ih a um mi pawl a hleice in mino pawlah thinlung lam hnawihnihnak nat ngahnak cu hmuh an si.

            "A tui caan cu minung pawl ih thinlung lam harhdamnak a hleice ah ret in ruat dingah, tuah sak dingih tul caan a si. Thinlung harhdamnak timi cu minunglam kilkip ih zoh tikah a thupi ih man a nei mi a si timi cu minung pawl hmu fiang vivo dingah kan tuah tlang pei" tiin tlawng saya\sayamah pawl, tlawng lam thawn pehpar mi online ihsin an sim.

            "AKAP Guro: Connected" tiin hmin pek mi online ihsin thinlung harhdam nak le thinlung lam bawmnak pe dingah Unilab Inc in a hmaisabik an phuan ih a ra lai ding mi cazir kum hrangah timtuah zo a si. "Minung pawl ih thinlung harhdamnak lam tuah sak nak a thupi ah ret loin umnak le ziang ih rel lo nak cu kum tampi a rei zo. Curuangah a tu covid pulh nat nakin minung pawlkom cu thinlung nat nak nasa zet in a tuah thei. Ahleice ih a nat ter mi cu covid ruangah a thi tu pawl ruangih thin a naa tu an inn sang pawl, kum upa pawl le mino pawl an si. A tui tul mi cu khat le khat a thupi ah ret aw in, himi thinlung harhdam nak cu than in tuahsuak ding tiang thazang zate thawn tuah ding asi tin khal Doctor a tuan phah mi Siangbawi in a sim.

            Kawhhran sungah Diocese tin ah thinlung harhdamnak bom nak program pawl cu pom in thazang pek asizo ih hleiah ca zir nak tlawng hrangah, himi program cu kau zetin tuah rero asi thu khal sim phah in minung thinlung harhdam nak khaisang dingah zuamnak, bom nak ah mi tampi tel in pawlkom in tuah dingah a tul thu khal ruah nak pe in a sim. Himi thuthang cu CBCP ihsin kan ngah mi asi.

https://bit.ly/31zyD5V

Add new comment

11 + 0 =