Thlacam nak thawn kan nunnak Pathian hnen ap asile kanmah pawl cu ziangtik hman ah kanmah lawng kan si lo. June 24, 2020

 cq5dam.thumbnail.cropped.1000.563.jpeg (55.07 KB)
cq5dam.thumbnail.cropped.1000.563.jpeg (55.07 KB)

Thlacam nak thawn kan nunnak Pathian hnen ap asile kanmah pawl cu ziangtik hman ah kanmah lawng kan si lo. June 24, 2020

          Mipi pawl zarhtin a ton caan ah Pope Francis in David Siangpahrang cu Pathian ih miphun a rak kilkhawi laiah a thinlung in ziangtin thla a cam ti kha a rak ruat. Pope Francis cu nithum niah mipi pawl a ton nak ah Bible sungih lang ter mi David Siangpahrang ih um daan cu thuthangtha sim nak ah a telh. David cu a nauhak lai ihsin Pathian mithmai tha cotu a siih, kan zum nak le Pathian minung pawl hnenih a thupi ih tuah mi Pathian hnatuan nak hrangah hril mi a si. Pope in David ih tefasin Jesuh cu Pathian thinlung sungah Siangpahrang pakhat a si. Thukam nak cu Pathian hnen ah a rak kim ter.

          Tuu khal tu David ih thuanthu cu a pai tuu pawl a khal nak Bethemhem ihsin a thok. Lo ah hna tuan in, amah cu thli thiang thawn a nel aw thu, kiangkap ih aw le ni ih tleu nak thawn a nel aw tu a si thu theih a theih. Pope in a sim bet mi cu David cu a pakhat nak ah tuukhal tu a si. A tuu pawl tih um nak ihsin a luat ter lawng siloin rawl a do. Jesuh Khrih a mah le mah rori "Keimah cu tuukhal tha ka si" tiin a ti.

          Jesuh Khrih cu a tuu pawl hrangah nun nak a pe tu, tuu pawl pakhat ciar lamzin a hmuh tu a si. David cu a nunnak ih nehhnu lam ah mi pakhat ih nupi nei dingah amah a that. Profet Namam in a sual nak a hmuh tikah a sual nak a thei cih. Amah cu a hman lo mi tuu khal tu a si thu, David a thei aw cih. Amah cu thangdor mi tuu khal tu a si nawn lo. Curuangah a mah cu mi pakhat ih neih mi thil lawngin a nei tu, aana a luan ih a hmang tu a si.

Hla phuah tu pakhat ih thinlung le kan thuhla ngai cio uh. Pope cu David ih "hla phuah tu mi pakhat ih thinlung" timi a sim bet. A thinlung a hnem thei tu pakhat lawng a tang. Cumicu a kitar a si. A sual nak ruangih a sir awk sung a kitar tumin Pathian thangthat nak hla a sak. David cu mi nauta asilo. A riahsiat nak a lang ter ah siseh, sual sir nak a lang ter ah siseh, lungawi nak a lang ter ah siseh Pathian hnen ah hla thawn a lang ter. A mithmuh rori ih a cang mi leilungpi cu a remdai mi thil a silo. Leitlun thil pawl an siatral lai a hmuh ruangah amah cu a hlan hnakih a mak mi mangbangza a hmu.

          Minung nunnak ih thuthuk ruahsal nak ih thlacam nak cu "Minung nunnak cu mangbang in kanmah a rak keng mi a si lo. Asinan hla, awnmawi, lungawi nak sunloih nak, tah nak pawl a thangharh tu a thuk mi mangbangza thil a cang ter tu asi. Himi Bile ca sung kan zoh asile David Siangpahrang cu Saam hla a phuah tu mi hminthang a si. David Siangpahrang cu tuu khal tha si dingah ruah mi a si. Amah cu a thianghlim mi le sual nak a nei tu, hmuhsuam a tuar tu le nautat a rak tuar tu a si. Amah cu ralneh tu a si. Amah vekin kan nun ram ih a cang mi thil pawl in kanmah hrangah theu nak in pe. Kan thuanthu a hmun lo ruangah minung pawl cu tu le tu sual nak sungah kan tla theu.

          Pope Francis cu Mexixo ah linghnin nak ruangih harsat a tuar rero tu pawl hrangah thla a cam sak. Ziangtinkim Pathian ih kut ah hlan in David Siangpahrang vekin kan nunsungih a tel mi thlacam nak timi kaihngek tu a um thu a sim. David Siangpahrang cu kan hrangah ziangkim Pathian thawn khat le khat thu rel tlang nak ah telh dingah a sim. "Sual" a um vekin lungawi nak a um. Duhdawt nak hleiah farah harsat nak khal a um ih, nel awk nak a um vekin nat nak khal a um. Ziangtinkim cu kan zate hrangah in ngai sak ringring tu "Pathian " hnen ih kan sim mi tong a si thei.

           A net nak

          Pope cu a thuthangtha a cem net nak ih a sim mi ah "David cu mah lawng si nak a thei thiam. Asinan thil cang mi ah amah cu ziangtik lai khal ah amah vial a si dah lo. Hitivek thil cu kan nunnak ah thlacam dingah caan a pe theu tu pawl hnen ah a cang theu mi thil a si. Thlacam nak cu kam mah kha misunglawi ah in cang ter. Thlacam nak cu thawng tampi harsat nak sung ihsin minung tinkim hnen ah, kan nunnak ih a hman mi rualpi Pathian thawn nel awk nak a hngek ter" tiin sim phah in a thu sim mi cu a cawl.

 

https://bit.ly/3894zAM

Add new comment

2 + 7 =

Please wait while the page is loading