Thlacamnak cu thil fate mi a si nan Pathianih duhdawtnak a vorh a si August 8, 2020

Thlacamnak cu thil fate mi a si nan Pathianih duhdawtnak a vorh a si

August 8, 2020

Thlacamnak le thilfate tuahnak cu leilungpi ih thlaici vorhtu vek an si. Thil hmuahhmuah khal a thar in a rem sal theu. Hi mi cu leilung pi hi mawi deuhdeuh dingin Pathianih duhdawtnak ni tleu tleu ternak a si. Hi mi thu hi Pope Francis cu kan dungzarh teih Jesuhthianghlim thinlung ih Francis kai Sister pawl a kuat mi thu a si. Hi Sister pawl cu kum 1092 kumih Blessed Maria Margnerita Carani ih Itlay ramih a rak din thok mi a si. Hi mi kai a din tu cu 1920 August 8 ah a rak thi. A din tu hi a tu ah a nunglaisi bang sehla 2020 August 08 ah kum 100 a kim ding. Pope Francis in cui Sister pawl cu nan mai sister tlawng a rak din thok laiih an zirh mi pawl kha thlauthla lo in  hmailam khalah thawnhlah uh tiah a rak cah. A tu ah cun an tuah thei ko nan hnon lo dingin, ziangah tile kanni cu hi tin tuahdingah Pathian ih kawh mi kan si.

Sister pawl cu maikaing a din tu ih tumtah mi le hmin kha thatenruat in hi mi sungih a lut tu zaten Minim tikawh a sinak cu a din tu Mother Maria MargheritaCaiani cu Francis in a nepnawi mi nun tuzia pawl kha a rakcawngih menmen ten nun a duh ruangah a si. Jesuh Khrih cu a mah rori thinglamtah parih thihnak a rak tuarnak in niamten a raktuar. Hi tuah daan cu a fiak tukih a har. Asinan a cemtiang a ding theitu pawl cu a rahsuah pawl a tam vivo ding a si.

Hi mi Jesuh thianghlim thinlungkaing a rak din tu cu pawl kom sung ih um mi Sister pakhat ciar hnen duhdawt nakih a hrampi asi mi BawiJesuh thinlungah a hram a bun duh. Bawi Jesuh kan parih a ret mi duhdawt nak cu kan mang in bang ter thei tu thiam nak in tuah asi ih, rei loteih a mit dingmi duhdawt nak a si lo. Bawi Jesuh ih duhdawt nak cu a hmun. Rinsantlak a si. Kan kiang nai ih din mi a si. A niam zet mi kan nunnak khal siseh, kan thinlung khal siseh in khaisang sak. Kan hnen ah mawi nak le zumnak in pe. Curuangah Emmaus khuaih a tlung tu dungthluntu pahnih thawn kom aw in khual a thlawng tu Jesuh cu thih nak a neh tu miraltha vek siloin a tlaitlung  mi khual tlawn pi vek lawng a si. Asinan cui dungtluntu pahnih ih thinlung nuamlo nak cu diriam nak, lungawi nak a cang ter. An thin lung baibah nak, an thinlung har nak cu Bawi Jessuh ih thawmtumbik mi a tlaitluang mi hmuk phel nak in a vang ter. Curuangah Bawi Jesuh ih thinlung duhdawt nak thawn duhdawt dingah, felfai nak thawn a khat mi tuah daan thawn tuan dingah Pope in a forh fial.

Bawi Jesuh thinlung neih nak a lang ter tu a dang lam zet mi lamzin cu thlacam nak a si. Missa raithawinak, hminsin mi tikcu caan thawn kaih ih cam mi thlacamnak pawl, biak khawm nak, Bawi Jesuh tongkam ruat nak, Rosary cam nak, thlarau lam ca siar nak pawl an si.

Kan nunnak zaten thlarau thianghlim ih thluasuah thlacamnak si dingah kawh kan si. Bawi Jesuh cu kan nitin nun in thleng. Kan thin lung cu a thinlung thawn bang dingah in tuah sak. Sister pawl cu zangfah thiam tu Jesuh thinlung ih thangphok nak in Blessed Maria Margherita vekin an kiang nai ih a um mi nauhak, mino, mi upa pawl hnen nu vekin kom dingah in forhfial.

Sister pawl ih tuah theu mi sualcawh kuan nak thawn pehpar mi sual cawh kuan nak cu sual nak ruangih a tla sia mi leilungpi rem that sal dingah a thabik mi pek awk nak a si. Nan thlacam nak le a fate bik mi duhdawt nak in leilungpi ah Pathian ih duhdawt nak thlaici cu vorh in ziang tinkim a thar in rem sal nak a si. Himi Sister kaing ih a ummi tampi Italy, Brazil, Ezipt, Sri Lanka, Bethlehem pawlah Pathian hna a tuan ih, anmah pawl cu a hleice in nauhak le mino pawl an bawm. Himi thuthang cu Vatican thuthang ihsin kan ngah mi a si.

https://bit.ly/3gOPHuR