Thlang Korea Catholic Diocese ah Puithiam thar dozen hnih zikte in Puithiam cannak lak (January 29, 2022)

Thlang Korea Catholic Diocese ah Puithiam thar dozen hnih zikte in Puithiam cannak lak

January 29, 2022

          Thlanglam Korea Catholic Diocese, Seoul khuapi, Myeongdong Catholic Cathedral ah Archbishop Peter Chung Soon-taick, O.C.D. Auxilairy Puithiam thar 23 cu January 28 ah Puithiam cannak an rak lak. Thlang Korea a cozah ih covid rikhaihnak pawl thlun in cui Puithiam cannak puai ah nu le pa pawl lawng an rak tel thu le caanserh cu Diocese ih TV Channel a si mi Catholic Peace Broadcasting Corporation TV thawn YouTube in live an rak thlah.

          Caanserh theh hnu ah Archbishop in cui Puithiam thar pawl ih nu le pa pawl lungawi thu a rak sim vekin an mah sawmdawl nak ah bawmnak a pek tu Pathian thusimtu saya pawl, Sr. pawl, Saya/sayamah pawl, thlarau lam lamhmuhtu pawl, Puithiam cannak tlawng ih hnatuantu pawl, riantuantu pawl, a bawmtu pawl zate khal tu vekih kawhnak nunram a sangsangih bawmnak an rak pek ruangah lungawi thu a rak sim.

          Seoul Archdiocese cu 2022, January thla tiang cazin vek si le Cardinal pakhat, Archbishop pakhat, Bishop pathum, Msgr. 5 tel in Puithiam 966 an um thlang. Hi thuthang cu Vatican thuthang ih kan ngah mi a si.

https://bit.ly/3G97VDe