Thlang Korea ram Seoul ah Leitlun mino puai ni hrangah timtuah

Thlang Korea ram Seoul ah Leitlun mino puai ni hrangah timtuah

          Leitlun mino ni cu kum thum veikhat ah an tuah theu. Neta bik an tuah mi leitlun mino puai cu (August 1-6) Portugal ram ah an tuah. Leitlun mino ni tin Pope John Paul (II) nak in kum 1985 ah a ngemhnget ih an rak tuah thok. Leitlun mino ni an tuah nak cu tu ah cun vei(15) nak a si thleng. A ra ding mi kum 2027 ah Asia ram pakhat a si mi thlang Korea ram ih an khuapi Seoul khuapi ah an tuah ding a si.

          Thlang Korea ih Catholic kawhhran pi dinhmun in Leitlun mino ni hrang ah an timtuah thok nak ah July 28, 2024 ni ah ram tin ih Catholic kawhhran pawl tel ve dingin thangphok dingih cangvaih nak kha Seoul diocese ih khuapi Myeongdon Cathedal ah an rak tuah. Cui caan serh ih a khih hmuh nak cu “Ignites in Seoul. Success for WYD Seoul 2027” (2027 Seoul  ih an tuah dingmi leitlun mino ni hlawhtlin nak) ti asi. Cui caanserh ah mino 1000 lenglo an tel thei. Cui caanserh saklam Korea ih ral tlan pawl, kut kee cak lo pawl, ralkap pawl tla an ra tel thei a si.

          Cui caan serh sung ah ram 193 ih alan pawl kha Korea mino pawl in kai phah in an feh pi. Tu vek in ram tinkim in alan kai phah ih an feh nak cu Leitlun mino ni hrang ih leitlunhuap thawn a pehpar awk vek in leitlun mino puaini cang suak thei ding in thatho zet ih tel pi ding ah Seoul dinhmun in leitlun Catholic mino pawl kha lungawi sopar ten an sawm nak thu an lang ter nak ih sawm nak asi.

          Caanserh ah leitlun mino ni cangsuak dingih committee ih hotu a si mi bishop Peter Soon-taick Chung in Korea mino aiawh tu ah mi pahnih a ret ih Leitlun mino ni kha inntek ram dinhmun in tuah thei thu a rak theih ter. Hi theih ter nak thu thawn leitlun mino ni hlawhtling thei nak ding khal in an tuah thok nak ding thu theih ter nak khal a si. Cu zawng ah hi puai kha inntek ram dinhmun in cohlang ih an tuah ruangah puai tuah suak thei dingin a tul mi hisap in sumpai Korea yanngui(11.3698) trillion, (1.5908) crayon cu hngilh lo nak ih an tuah mi thilri pawl an zuar mi ih an ngah dingah an hisap thu, Seoul le a kiangkap ih um mipi pawl hrang khal ah hnatuan hawl nak caan tha (24725) khal hawl sak thei ding a si thu puai cang suak committee sung tel proficesor Tarjun Lee in a rak sim than.

          A par lam ih caanserh ah Bishop Chung, Cardinal Andrew Soo-jung Yeon, Bishop Job Tobi Koo, Bishop Paul Kyung-sang Lee le Bishop Titus Sang-Bum Seo pawl in Missa raithawi hoha nak in an caan an cem ter.

          Missa raithawi nak sungah cu tawkih Bishop in Nu Pawlpi din hmun in mino pawl kha Pathian hnatuan thei nak caan tha pawl kha tuah sak ding in, mino pawl kha thlacam nak le ruahsannak pawl ah pawlkom nak nei thei dingin tuvek ih timtuah a si thu kha thei fiang dingin forhfial ih tha pek ding thu, curuangah nu pawlpi cu kan san mino pawl ih zawh ding mi lam sial sak nak, donhlei sang pawl sak sak nak an mah an tuah daan, an mah ih an neih mi theihthei nak pawl kha midang hnen ih sim betnak an neih thei nak ding in, pawlpi ih a tuah sak mi donhlei sang cu mino pawl in kiangkap mi pawl hnen thatnak an tuah thei nak caantha an ngah thei nak thu, hi hmuh dan cu leitlun mino ni hrang khal ah thlaici vorh duh thu, hi leitlun mino pawl ni cu Korea ram in le ram tinkim in a ra thleng ding mi mino pawl hrangah manhla zet caan tha an ngah ding ti ruahsan nak thawn, hi thu hla pawl zoh khen in hithuhla thawn pehpar in hi a tum zet mi hnatuan kha tuah ding in kan mah pawl cu a leng lam kan ruangpi lawng hmun khat ih um si lo in, kan thinlung kha kom aw in lungrual teih thla cam khawm nak, thiang thlarau Pathian ih fimthiam nak kha co ngah in tu kan thok mi hi khawltlawng nak hi a tha bik ih tuah suak ding ah a rak sim than.

          Missa raithawi nak ih a tel mi a phunphun dil nak ah leitlun ih um tong phunphun in a dil ter. Ziangruangah tile leitlun ih um mino zate ih ni a si kha langfiang ter dingah a si. Cu tawkih um Bishop Giovanni Gaspari le Dr. Gleison De Paula Souza pawl in tha pek nak thu an sim vek in Dr in Seoul khuapi kha inntek khua ih hril a si nak cu nunphung lam le thil thar pawl an tuah suak thei ruang khal ah telh in a sim.

          Leitlun mino pawl ni ih an tumtahnak bik cu a ra lai ding mi September thla ah tlangthan nak an nei ding a si. Cui tlangthanak an suak hnu ah Nov thla ah leitlun mino ni ih tette pawl zaten neta bik an tuah nak inntek ram hlun in inntek ram thar hnen ah an ap nak ding caan serh khal a tel.  

          Cui caan serh ih a ra tel tu cuitawk ih Bishop Giovanni Gaspari cu Korea ram hrang ah Pope pa aiawh asi. Dr. Gleison De Paula Souza hnen in Pope kut hnuai ih um kawhhran pi pawl innsungsang thawn pehpar aw mi zung ih tuanvo la tu a si. Cu mi ah ram 8 ih upa pawl khal an tel ih, Korea ram ih hnatuan sang nei tu upa pawl an an tel thei a si.

          Theih kauh nak ding ah kum tin Leitlun mino ni kha inntek dinhmun in cohlang ih tuah suak tu ram pawl kha kan run tar lang ding.

          Kum, ram, a tel thei tu mino mipum

1.  (1985)- Italy ram Rome khua ah minung ting 3 an tel.  
2. (1987)- Argentina ram Buenos Airesi ah minung ting 10 an tel.
3. (1989)- Spain, Santiago, ting 6
4. (1991)- Poland, Czestochowa, ting 7
5. (1993)- America, Denver, ting 7
6. (1995)- Philippines, Manila, ting 50
7. (1997)- France, Paris, ting 12
8. (2000)- Italy, Rome, ting 20
9. (2002)- Canada, Toronto, ting 8
10. (2005)- Germany, Cologne, ting 10
11. (2008)- Australia, Sydney, ting 4
12. (2011)- Spain, Madrid, ting 20
13. (2013)- Brazil, Ris de Janeiro, ting 37
14. (2016)- Poland, Krakow, ting 35
15. (2019)- Panama, Panama khua, ting 7
16. (2023)- Portugal, Lisbon, ting 16
17. (2027)- Korea, Seoul hrangah ziangzat an tel thei ding.  
18. Hi mi thuthang hi RVA thuthangin kan don mi a si.