Thlanglam India Diocese in Catholic tlawngta 500 hrang tlawng kai nak ding bawm. (June 14, 2022)

thlanglam_india_diocese_in_catholic_tlawngta_500_hrang_bawmnak_nei

Thlanglam India Diocese in Catholic tlawngta 500 hrang tlawng kai nak ding bawm.

(June 14, 2022)

            Mariayapuram ih St.Mary Cathedral ih Catholic nauhak 500 cu 2022 fimzir nak hrang bomnak an ngah. Thlanglam India Andhra  Pradest ih Cuddapah Diocese ih Fr.Birusu Raja in June 12, Mariayapuram ih St.Mary Cathedral ih tlawngta pawl tlawng thilri an bawm thu a sim. Tuikum ah tlawngta 500 phun 3 ihsin Bachelor ih technology tiang an bawm.

            Kumtin cazir kum tinten Diocese ih mi harsa innsang ih nauhak pawl cu an nu le pa pawl in tlawngkai nak dingah an bawm thei lo. Hlawhtlin nak hrang timtuah asile himi tlawngta pawl ih tlawngkai nak ding hrang an tul mi pawl bawm ding.

            Himi tlawngta pawl bawm tu cu United States, India pawl umnak Quuincy IL ih Shai ihsin Saint Peter Biakinn ih um tu ih a bom nak a si. Himi nauhak mi harsa pawl bomnak cu a liam zo mi kum 10 lai in an tuah zo. "Nauhak pakhat ciar ih tul mi thilri pawl ka bawm thei. Himi in a bang aw lomi mah le mah upat awk nak, an neih mi pawl luan nak le tlawngkhan ih bom mi pawl upat dingah a tuah" tiin Fr.Raju in a sim.

            Kum 7 hrawng Cathedral in tlawngih tul mi a bawm ih veikhat veihnih ah tlawngkai man ih zatek 10 hrawng cu Srikalahast St.Xavier Biakinn ih nauhak pawl hrang khal an bawm sal. "A tum a te ti lo in nan mi bom nak ruangah kan lungawi. Himi in cazir nak le kan thanso nak hrang a hrampi tampi in bawm" tiin intermediate tlawngta A Pinky in a sim.

            "Himi kan fimzir nak in bomnak parah Pathian hnen ka lungawi" tiin kumkhat nak senior high school tlawngta Nratnam in a sim. Bawm tul mi mitampi innsang pawl cu an fale pawl hmailam tha dingah fimzir ding a tul ih curuangah ram le mipi hrang an hlu. Fimzirnak cu nunnak tundinnak ih Ttawh le farah zonzaih nak neh nak a si" tiin Fr.Faju in a sim bet. Himi thuthang cu RVA thuthang ihsin kan don mi a si.

https://bit.ly/3b059pP

Add new comment

16 + 0 =