Thleng awk nak cu kan hnen ihsin a thok ding timi thu Pope Francis in a zirh. March 7, 2021

Thleng awk nak cu kan hnen ihsin a thok ding timi thu Pope Francis in a zirh.

March 7, 2021

            Baghdad phunsangtlawng ih professor pakhat Anan Alkass Yousif in Pope Francis cu tuu rual pawl hrang ah a ral a tha mi tuu khal pakhat asiih, a lamzin cu kan thinlung thlengin ruah nak pawl khal thlengnak ding lamzin a si thu a sim. Ralbuai nak pawl, hmuhsuam nak, tuahmawh nak le siat ral nak pawl a tuar tu Iraq ram ah Pope ih a khual tlawn nak cu Baghdad porfessor hrangah a hman mi "duhdawt nak ihsin a suak mi um daan" a si. Vatican thuthang zung thawn an biak awk nak ah Pope cu "Abraham ih ram" ih khual a tlawn nak cu a ral that nak ruangah a thok thei thu Anan Alkass Yousif in a sim. "A ral that nak cu kanmah khal ral that nak in pe. Cuitlunah hi ram hrangah ah kan duhdawt nak a thar ter" tiin khal a sim.

Hmunkhat ten um tlang nak,

            Professor in "kanmah pawl cu hi ramih a hlan ihsin a rak um tu tiin sim mennak in a daih lo. Pope kan kiangah a um timi cu man ringring nakin kanmah pawl himi ram ah ziangtluk in hram kan bun timi theih a tul. Pope in a thinlung sungah a thlacam nak sungah kanmah pawl in vunmangsal men lawng siloin a tuvekih tuah taktak nak khal in in duhdawt taktak ti kan hmu. Pope in tuukhal tha dik tak in a Tuu pawl zoh dingah a rat nak a si. Iraq ah tuu rual malte vial kan um nan remdaih nak, thu hman thawn um tlang nak hrangah thuthang a rak keng ih Iraq ram mi pawl thawn an biak aw" tiin a sim bet. Cuihnu ah amah cu Iraq ih dinhmun pawl a hleice in Coronavirus ruangih a cang mi thu khal ah a daih hrih lo thu khal a sim.

Iraq ram mi pawl hrangah thuthangtha

            Pope ih khual tlawn nak cu himi ram ih a um nakih a thupi mi thei thei dingah in bawm thu Yousif in a sim. Professor a si nakin a mah ih tirhthlah hnatuan nak tlawngta pawl hnen thinlung tha in minung thinlung nei cio dingah a tha deuh mi pawlkom hmunkhat ten din dingin bawm dingah a si thu a sim. Pope ih khual tlawn nak cu harsat nak a um nan a lak a si lo ding thu, Iraq ram mi zaten hrangah thuthangtha a si thu a sim bet. "Himi khual tlawn nak cu thil a dang lam ter ding. Ziangruangahtile minung thinlung sungah thleng aw in an ruah nakah khal a hlan ih an ruat nak hlun pawl an thleng ding. Ziangasikhalle himi hmuahhmuah kanmah in kan thok ding. Thu dik a um lo ah cun remdaih nak ngah a theih lo. Thlengawk nak cu kan hnen ihsin a thok ding" tiin a sim. Himi thuthang cu Vatican thuthang ihsin kan ngah mi a si.

photo courtesy of  AFP or licensors

https://bit.ly/3l0oUi6