A thupi mi thu potcat nakah hmun le ram ih pawlkom pawl khal an tel thei ding. September 25, 2020

 A thupi mi thu potcat nakah hmun le ram ih pawlkom pawl khal an tel thei ding.

September 25, 2020

            Asasa zet mi covid-19 namnuai nak neh hnu ngah ding mi a san nak pawl cu nasazet ih a tuar tu leitlun ih mipum zatek 6 hrawng lawng a um mi hmun le ram ih a um tu pawl khal a thupi ah ret in ruat cih dingah dil phah in hmun le ram ih a um tu pawl thawn a um thu Vatican in a lang ter. Ziangruangahtile hmun le ram ih a um tu pawl cu a tamsawn in hnon a tuar tu, hngilh a tuar tu pawl an si. A hman ahcun minung kiangkap hrangah an bom thei mi pawl khal zing zoi a tul thu UN ih Vatican ih aiawh tu asimi Archbishop Ivan Jurkovic in Switzerland ram, Janice khuapi ih tuah mi a vei 45 nak minung caan tha council thurelkhawm nak ah an sim.

Hmun le ram mipi pawl ih tuar nak

            Hmun le ram ih um tu pawl cu farah harsat nak an tuar nak cu tam deuh in siat suah nak a pe tter thei thu, hitivekih ti tikah covid-19 thuhla lawng tiduh mi asilo. A dang thuhla pawl asimi tikcucaan thleng awk nak, kiangkap harsat tuar nak cutivek pawl an si. Harhdam nak kilkhawi nak a that vivo thei nak dingah inei le tidai humhim nak um lo nak, siivai bom nak thilri pawl ngah nak a nuam te nakpawl cu pulhnat ih buai nak nasazet in an tuar. Leilungpi ih hmun then tampi ah khal hmun le ram ih um tu pawl ih caan tha pawl cu tidaan a phunphun thawn siat ter nak tuar a si. Tahthim nak ah thudik, fimthiam nak, thu then nak, caan tha pawl cu hoha ih a dil tu pawl kaih nak, nunphung lam ziang ih rel lo nak, siat suah nak cutivek thuhla pawl a si.

Leiram le hminsin nak pawl

            A hlan kum Amazon ih thurelkhawm nak ah Pope Francis ih thu cah mi cu von zoh sal in Bishop in hmun tinkim thawn pehpar mi pawlkom pawl hnen zangfah a dil nak cu hmun le ram a um tu pawl ih leiram pawl, sumdawn nak a miat lak nak pawl cu kilhim sak in a bang ran mi daan kha lang ter dingah, hmun khua le ram nei tu pawl hrangah leiram le kiangkap ih a hram pi cu kanmah ih nunphung thawn hminsin nak a si lo.

            Anmah pawl ih taksa le thlarau thawn khal a pehpar aw. Cuihleiah anmah pawl cu kiangkap kilkhawi nak tuah tuan nak ah tampi a bawm. Ziangruangahtile leitlun thaw nei mi pawl zatek (80) kha a kilkhawi ruangah a si. Hmun le ram ih a um tu pawl cu leiram cu sumdawn nak a simi thil tiin hmin sin loin Pathian hnen ihsin siseh, an pi le pu pawl hnen ihsin siseh ngah mi laksawng tiin man an ret. Curuangah a thabik in kilkhawi a si. A dang hmun ah feh loin cui pilepu pawl pek mi leiram lawng ah um a si tiin an sim fiang. San thar tumtah nak ruangah tidaan a phun phun, upadi a phunphun ret in hmun le ram ih a um tu paw ih ram ri pawl lak sak ank le then sak nak pawl khal Bishop ina lang ter.

Hmun le ram ih a um tu pawl ih pawlkom pawl hrang khal ah ruat sak cih dingah zangfah dil nak

            Hmun le ram ih a um tu miphun pawl cu a hman in sim ahcun thurelkhawm nak ah tel nak ding a thupi ih rualpi pawl a si. Cutivekin a thupi mi daan thu potcat nak ah siseh, ahleicein anmah apwl ih that nak thu potcat nak ah a tel lo tu pawl an si. Ziangruangahtile anmah apwl cu midang pawl karlakah mimal te khal an si lo. Himi hmun khalah Bishop cu thanso nak hrangah suai mi ziangvek daan ah siseh, hmun le ram ih a um tu miphun pawl tel dingah le an mah pawl ih nunphung le an tuah daan pawl thawn an aw khal theih ter a tul. Covid-19 pulhnat caan ah anmah pawl hrang a thupi ih ret nak a mal. A tui dinhmun thuhla pawl cu kan zaten thar thawh ter nak a si. Minung cu kiangkap uktu siloin tawlrel tu a si. Curuangah kanmah pawl cu nundam nak daan thar thawn thanso nak kha ruat ding a si. Cui nundam nak lamzin thawn minung thanso nak timi cu ziangvek dinhmun a ti duhsan timi cu thuk zet in thei thiam dingah zuam ding a si. Himi thuthang cu Vatican thuthang ihsin kan ngah mi a si.

https://bit.ly/36mSFV1