Thuthang pawl ah a darh mi Kawlram ih mipi hrangah khukbil in zangfah a dil tu Sister in asinak cauk thar ah lang ter May 25, 2021

Thuthang pawl ah a darh mi Kawlram ih mipi hrangah khukbil in zangfah a dil tu Sister in asinak cauk thar ah lang ter

May 25, 2021

            Feb 1 ah Kawlram ah ralkap ih thuneih nak longnak theh thlakhat a reiah Sr.Ann Nu Tawng in ralkap pawl hnen khukbil in zangfah a dil nak zuk cu online ah rinlopi in in a rak darh. A tu ah cun Sister in a rak kham nak thu cu "Accidete me, non la gen" "kill me, not the people" "In that uh, mipi pawl zalen nak pe uh" timi cauk thar ah a sim. Cutiin a tuah nak cu mipi pawl a kilhim duh ruangah a si.

            "Mipi pawl harsat an ton caan ah ka kilhim duh. Mipi pawl ka run duh. Mino pawl ka run duh. Cumi hrangah khuk ka bil. Thiang thla rau Pathian in hitivek tuah dingah in zirh. Mipi pawl run dingah Pathian ka thinlung sung ah a cang vai tiin ka zum. Cumi hrangah ka tuah tin St.Francis Xavier Sister kaing ih Sr.Ann Nu Tawng in a sim.

            Pehbet in Sister in a sim bet. "Tui san ah mi pakhat hmai ih khuk bil tikah a tha lo tiin an ruat theu. Asinan a rak si lo. Himi cu rem daih nak hminsin nak a si. Khat lam in ral pawl ngaithiam nak khal asi. A tuk vekih tuah nak cu kan innsang khal ah a tul mi tuah daann pakhat a si" tiin a sim. Pope Francis khal Kawlram buianak hrangah thu a sim tam bik tu leitlun ih upa pawl lakah pakhat a si ve. Kawlram hrang khal ah Vatican ih a um mi St.Peter Basilica biakinn ah Kawlram mi pawl thawn ahleice in thla cam nak a nei lai. February 1 thuneih nak lon nak ihsin a tu in Kawlram ah tuahmawh tu ralkap ruangah nunnak a cem tu 800 luan, kaih a tuar tu 4000 luan an um zo a si. Himi thuthang cu Rome Reports thuthang ihsin kan don mi a si.

https://bit.ly/3hUGV1G