Tingziathang lo a si mi nauhak pawl Rosary thlacam nak cu leilungpi a thleng ter thei. September 30, 2020

Tingziathang lo a si mi nauhak pawl Rosary thlacam nak cu leilungpi a thleng ter thei.

September 30, 2020

            Aid to the Church in need (ACN) ih Parish pawl tual leng tlawng pawl, cazir nak tlawng pawl, insungsang pawl hrang October 18 ihsin 19 ih tuah dingmi "nauhak ting hra hrawng rosary thlacam nak" timi program ah tel dingah sawm a si. Himi leilungpi thlacam nak program cu lungrual nak le remdaih nak hrangah tumtah asi thu, ziangruangahtile leilungpi harhdam nak lam buai nak le thinphan nak pawl ton rero ruangah asi thu, leilungpi cu a hlan thawn a bangaw nawn lo tiin ACN ih hotu Bishop a simi Cardinal Mauro Piacenza khal in a sim.

            Nauhak pawl hnenih ngan mi ca ah a tu vek ih a har mi caan cu khat le khat bom aw in hmun khat ten tuah nak cu a thupit thu le Pathian hnen ihsin a ra mi bom nak zaten cu hngilh a ngah lo thu kha a ngan ih a kuat. Tui kum cu October18 le 19 cu zarhpi ni le tlawngkai nikhat niah a ciah ruangah tlawngkai nak, tual leng tlawng zaten ah nauhak pawl thawn Rosary cam dingah le "nauhak ting hra hrawng rosary cam nak" timi leilungpi cangvaih nak program ah tel dingah ACN ih sawm nak cu Aleteia thuthang ihsin kan theih mi a si.

Photo courtesy of: ACN/Aleteia