Titanic Tinbaw(Long) a pil lai ih a rak thi mi Puithiam pakhat cu mithianghlim a cang thei men ti mi thuthang April 14, 2020

Titanic Tinbaw(Long) a pil lai ih a rak thi mi Puithiam pakhat cu mithianghlim a cang thei men ti mi thuthang

April 14, 2020

           Tui ni cu, RMS Titanic Tinbaw (Long) pi a pil ni 108  kim ni a si. London, England ih Dec 22, 2015, zinglam nazi 5:26 ih Titanic tangphawlawng pi a pil ni, April 15, 1912 ah Fr. Thomas Byles in tangphawlawng fate to dingah caan tha a rak ngah. Asinan, cui a caan tha cu tanta in tipithuanthum in cui lawng a to tu pawl cu sualthlah nak, hnemnak le thlacam sak dingah  a rak feh a si.

          A tu ah cun England ih Fr. Byles cu mithianghlim si nak dingih a hmaisabik a tul mi (beatification) an dil sak a si. Titanic lawng in tikhalpi a pah ah minung 1,500 an thi ih, kum 1912 ah Atlantic tifinriat sungah a pil a si.

          Fr. Byles khal cu New York ih a um mi a u pa ih thit awk nak puai ih feh dingah cui Titanic lawng in khual a rak tlawng ve. Kum 42 a si mi British Puithiam cu Rome ih Puithiam can nak a ngah hnu kumhra Pathian hna a tuan zo ih kum 1905 ah Essex ih um St. Helen Biakinn ah parish Puithiam si nak in Pathian hna a rak tuan tu a si.