Tiziano innsungsang in mangbangza kumthar laksawng a ngah January 4, 2021

Tiziano innsungsang in mangbangza kumthar laksawng a ngah

January 4, 2021

          Mitin in laksawng an ngah. A thupibik in Christmas tikcu caan ah Christian pawl lawng si lo in sumdawng tu pawl khal in an thilsuah mi khawng nak ding hrangah laksawng pawl an pek. A hrekkhat cu an mankhung. A hrek cu an man ol. A hrekkhat laksawng cu a tum. A hrek cu an fate.A hrek cu ei ding; a hrek cu hman ding thilri pawl an si. Asinain, Argentina tlangval ‘Tiziano’ ih an innsungsang tiih cohlan tlak lo mi laksawng ti tikah dunglam, hmailam a bang aw lo.

          Laksawng cu cohlan tlak si a tul. Duh a nung zet tul. Laksawng ti tikah ziang ruangah cohlan tlak si a tul? Catholic Puithiam pawl in kohhranpi pakhat khat Baptism a pek hnu ah thluasuah pek zo mi Bawi Jesuih zuk ta cik khen mi thli, a si lo le Bawinu Maria, a si lo le Mithianghlim pawl ih zuk orh sak a si theu. Baptism sang hrih lo a si hman ah Biaknak lam ih a hngetkhoh zet mi nu le pa pawl, pi le pu pawl in Pathian zuk, Mithianghlim zuk pawl a tel mi thi pawl an orh sak cih.

          Hi vek in Pathian thluasuah in a huap ih that lo nak pawl in in humhim dingah a si. Kum 2020 kumhlun cem zik zawng, 2021 kumthar hlan zaan nazi 10 hrawngah kumkua a si mi Argentina nauhak pakhat cu khui tawk in a si tiih theih lo mi cereek in a rak ngah. Cui cereek cun tlangval pa ih awm ah a rak ngah ko nain thir thawn tuah mi a orh mi Thinglamtah ruangah a nunnak a rak luat. Cui thilcang cu thuthang zung pawl in an thei ih thusuhnak pawl an rak tuah.

          Cui thilcang khal ‘kumthar ih mangbangza’ tiin thulu an pek. Cereek ih ngah mi nauhak pate hmin cu ‘Tiziano’ a si.Cereek ih a ngah ruangah sizung ah an kuat ih minute 45 rei sibawi pawl in felfai zet in an cek ih besia zet ih pem nak um lo in dai fangfang men lawng in a rak ngah. 2021, January 1 ni ah tlangval pa ih innsungsang in cui hmun ih thusuttu Jose Romero Silva hnenah a sim ih tlangval pa cun a orh mi  Thinglamtah a ngah ih lamdang ih a tlak thu, cui Thinlamtah cu a pa ih laksawng pek mi a si thu a rak sim. Cui cereek in Thinglamtah ziang tin a ngah ti khal a ni in tha zet in a rak zuk ih ‘kumthar mangbangza’ tiin a mai Twitter ah a rak ngan.

          Hi thuthang cu CNA thuthang ih kan ngah mi a si.

https://bit.ly/3hZL6rj