Tlangleng in India ram ih mi zaleng lo a siatsuah.

Tlangleng in India ram ih mi zaleng lo a siatsuah.

          India ram, Odisha ih Balasore peng ah June 2 ah tlangleng pathum an rak pahsawk ih Shalimar-Chnai Coromandel Express le thilri phur mi tlangleng ihsin mithi 200 le hriamhma tuar tu 800 an rak um.

          The Balasore Social Service ih director, Fr. Roy Kochupurackal in Church hnatuantu, volunteer pawl, le the Balasore Social Service ih nunphung hnatuantu pawl cu tlangleng tuahmawhawknak ruangah a thi tu pawl ih innsang pawl an pehtlaih rero lai.

          Hriamhma tuar tu pawl cu Balasore ih siizungpi ah an hruai. India ram ih a veilinak mithi tambik mi accident cu tlawngkai ninga ni, zaan nazi 7:00 p.m. hrawngah saklam Bhubaneswar in 170 km le Kolkata thlanglam in 250 km hrawng a hlatnak Balasore peng, the Bahanaga Baazar kiangah a rak cang.

          12864 Bengaluru-Howrah Superfast Express ih lamzin tamnawn a naal ih a kiangkap ih mawtaw pawl a siatsuah ruangah a dang tlangleng pahnih taikawknak a rak cang. BBC ih tarlangnak vek a si le, zinzoinak pawl an tuah rero lai nan, a sannak hmuh hrih lo mi thusuhnak tampi a um rero lai ih tlangleng himnak, lam tha deuh dingih ngennak pawl a rak tam sinsin.

          Odisha hruaikaitu, Minister Naveen Patnaik in tlangleng pathum siatnak ruangih thih le hlohnak hrangah nikhat sung a riahsiat thu a rak than. Prime Minister Narendra Modi cu siatsuahnak a cannak ah a rak feh ih milai nunnak runnak hnatuan tuan rero nak pawl a rak ruat.

          Cui hmun ih thunei tu pawl, tihnungza ihsin runnak hnatuantu pawl, le tlangleng lam ih thiam hleice pawl thawn an rak tongawk.Pope Francis in State Card Piero Parolin ih Secretary in the Apostolic Nuncio, Archbishop Leopoldo Girelli cu June 03 ah India ah a mah ai-awh in a rak thlah thu telegram ah a tarlang.

          Archbishop Leopoldo khal in Cuttack-Bhubaneswar ih Archbishop John Barwa hnenah ca a rak kuat ve.“Thinnat thlak zet mi hi dinhmun pawl ah, Pa Pathian hnenah ka riahsiatnak pawl ka hlan ih hriamhma tuar tu pawl zia deuh dingah le a thi tu pawl le an sungkua pawl hrangah thla ka cam sak,” tiah a rak sim.

          Odisha ih tlangleng siatnak cu tui kum, India ram ih a veilinak tlangleng accident asi. May ah, a lethnih in Chennai-Bengaluru tlangleng cu Bisanattam station ihsin a pawk caan ah a rak naal.

          Hi thuthang cu RVA thuthang ih kan ngah mi a si.