Tlangrai nathrik humhim awknak si an dawh sak ih covid nathrik man lo in a cek sak tu Pope Francis ih Ambulance December 4, 2020

Tlangrai nathrik humhim awknak si an dawh sak ih covid nathrik man lo in a cek sak tu Pope Francis ih Ambulance

December 4, 2020

          Pope Francis ih zaangfah lainatnak hnatuan ih Ambulance in December 3 ni ah Rome khuapi ih mi harsa pawl veng ih inn nei lo tu pawl hnen ah feh in tlangrai humhimnak si dawh sak nak, covid nathrik man lo ih cek sak nak pawl an tuah sak thu theih  a si.

          Cui inn nei lo tam sawn cu Argentina, Columbus le Peru ram pawl in an rak thleng ih harhdamnak lam hmuh dingah a harsa zet tu pawl an si.

          Pope Francis ih zaangfah lainatnak zungih covid tikcu caan sung mifarah pawl, inn nei lo tu pawl hrangah ei in pawl, mask pawl zem nak, Italy, Brazil le Spain ih um sizung pawl ah thawthawt thei nak cet thilri pawl hlut nak pawl khal an tuah thu theih a si.

          Vatican ih hnatuantu pawl khal an mai thlahlawh ih thlakhat, thlahnih hrang ti vek in an rak hlut thu mangbangza thuthang theih a si.

          Hi thuthang cu Sower CBCM thuthang ih kan ngah mi a si.

https://bit.ly/36PU1Y9