Tlawngkai ni thum ni zing tinten khawm zawh pawl thawn ton awknak cu a hlan vekin tuah a si tlang ding. August 26, 2020

Tlawngkai ni thum ni zing tinten khawm zawh pawl thawn ton awknak cu a hlan vekin tuah a si tlang ding.

August 26, 2020

            Vatican ih tuanvo nei tu pakhat in Pope ih tlawngkai nithum tinten khawm zawh pawl a tonnak caan cu September thla ihsin thokin a hlan vek thotho in tuah asi tlang ding tiin a liam zo mi tlawng kai ni thum ni ah an than.

            Himi ton awk nak cu kum khat sungah July thla sung lawng an cawlih ram dangih Pope Mission khual tlawn caan thawn a tonawk caan tilo ah cun kum khat sung tlawng kai ni thum ni tinten a um theu mi si. Tui kum ah cun covid-19 ruangah kum dang aiin colh a si. September thla thar ni 2 sun cu tlawng kai ni thum sun a ciah ruangah cui ni ihsin thok in khawm zawh pawl thawn covid-19 a um hlan vekin ton awk a si dingih, asinan harhdam nak lam ih lam hmuh mi cu pelh lo in thlun ding a si. Covid-19 theh hnu khawm zawh pawl thawn a hmaisabik ton awknak ding hmun cu St.Peter tualrawn asilo. Ziangruangahtile ruah sur caan a cem hrih lo ih San Damaso hall ah tuah ding a si. Himi ton awk nak program ah mipum rikhiah umloin zaen tel a theih.

            Hmanhman ton awk caan cu Italy tik cu caan zinglam 9:30 a si. Program ah a tel duh tu pawl cu zing 7:30 ihsin um nak ding hmun ham a theih ding a si. Himi thuthang cu Vatican thuthang ihsin kan ngah mi a si.

https://bit.ly/31z3UHb