Tlawngta pawl hrangah a thu pi ih a tul mi pawl bawm nak dil nak ah American Bishop pawl an tang khawm. June 27, 2020

 st_marys_catholic_school_waco_tx.jpeg (83.58 KB) st_marys_catholic_school_waco_tx.jpeg (83.58 KB)

Tlawngta pawl hrangah a thu pi ih a tul mi pawl bawm nak dil nak ah American Bishop pawl an tang khawm. June 27, 2020

 

American Catholic Bishop pawl pawlkom cu kan dung tlawngkai ninga ni ah thuthan nak pakhat an rak suah. Cui thuthan cu American Catholic Bishop pawl thawn pehpar mi fimthiam nak ih ai-awh tu Bishop Barber in zum nak a bangaw lo mi biak nak lam hotu 150 luan a tel mi pawlkom thawn American hluat taw ah tlawngkai nili ni ih an rak dil thu, cui dil nak cu thla hlawh a mal ih, a cozah tlawng a si lo mi tlawng pawl ih fimthiam nak a zir tu tlawngta pawl ih a thupi zet mi a tul mi bawm nak dil nak bawm dingah a si.

         American ih um Catholic tlawng pawl cu zarh tin Diocese pawl ih an khawn mi a hlu pawl a mal deuh deuh. Cui dinhmun a thlen hlan ah tlawng 100 khal an hmailam tikcu caan a fiang lo thu, a cozah ih bawm nak cu Catholic tlawng pawl ih fimthiam nak zir nak cu an nun an peh thei nak thu a si thu, tu vek ih bawm nak khal harsat nak a tuar tu pawl an tun din sal thei nak ding a si thu, fimthiamnak lamih khual tlawn nak zin cu simdawn nak harsat ruangah innsungsaang pawl cu harsat nak tumpi a cang ter thu, ziangahtile innsungsaang pawl cu hnatuan an neih nawn lo thu, curuangah tlawngta pawl cu fimthiam nak zir man sumpai an ti thei lo thu, American ih um Catholic Biakinn 6183 tlawng pawl ah ca zin a petu mipum 1737297 an si thu an phuan nak ah an tarlang.

         Hluat taw ih an kuat mi ca sungah tlawng ta pawl le an sungkua pawl cu Covid-19 pulh nat ruangah harsat nak tum zet thawn an ton thu, hi dinhmun cu a cozah tlawng le private tlawng ih a kai tu tlawngta pawl ih an ton mi a tha bik mi fimthiam nak zir ter an duh. Curuangah harsat nak a tong tu innsungsaang pawl, a thupibik in Covid-19 ruangih harsat nak a tongtu innsungsaang pawl bawm a tul thu an tar lang. Cu vek tho tho in a cem nak lamah a cozah ih sumpai lam bawm nakla lo in a ding rero mi private tlawng pawl khal harsat nak an tong ih hi harsat nak cu a cozah le private tlawng an pahnih hrangah fimthiam nak lam ih hringhro nak a si thu let hmat a rak thuu tu pawl in an sim. Ziangah tile private tlawng pawl ih tlawngta pawl cu sumpai lam an harsat ruangah cozah tlawngah an thawn ding ti bang seh la khuapi le ramthen pawl ih um mi tlawngta pawl sumpai lam harsat nak an tong. Ziangah tile tlawngta an tam deuh deuh ruangah hmun timtuah sak ding a harsa lai ding. A tu dil nak khal cu kum tin dil mi a si lo ih dinhmun ruangih a ngai ngai ih ton mi a thupi zet mi dil nak a si.

A thupibik in innsungsaang thlahlawh a tawkfang le thlahlawh mal mi innsungsaang ih tlawngta pawl hrangih dil nak a si thu, tlawng fimthiam nak zir man sumpai lam a bawm tu pawl zawn a ruah ruangah a si thu, hluat taw lam khal in bawm ding tin khal an hngah hlap thu, cu lawng ah zuam tlang in tlawngta pawl hrangah fimthiam nak caan tha kilkhawi in tha pe tlang uh si,” tin a thu sim a rak cawl.

https://bit.ly/2VthLeE

Add new comment

14 + 5 =