Tokyo Prelate (archbishop) in Japan ram ih kum 150 pumpek in rian a tuantu  Sisters of Infant Jesus pawl hnen lungawi thusim. (June 26, 2023)

Tokyo Prelate (archbishop) in Japan ram ih kum 150 pumpek in rian a tuantu  Sisters of Infant Jesus pawl hnen lungawi thusim. (June 26, 2023)

             Japan ram mi Archbishop in kan dung kum 150 rei lai ih an ram hrangih missionary hnatuan tu Infant Jesus Congregation hnen lungawi thu a rak sim.Tokyo ih Divine Word Archbishop Tarcisio Isao Kikuchi in kum 150 kim hngilh lonak Lungawi raithawinak missa cu June 24 ni ah St. Ignatius Catholic Biakinn ah an rak tuah.

        An mah pawl cu  kan dung kum 151 lai in Japan ah an rak thleng ih a hmaisa bik pumpek hna tuan dingah a thleng hmaisabiktu an rak si tiah Bishop in a sim. Kikuchi khal in sister pawl in Japanah Kawhhranpi tampi an rak bawm thei ruangah a lungawi thu a rak sim.

        Japan ih Apostolic Nuncio, Archbishop Leo Boccardi khal in a cemnak ah  Cozah lam thuneitu pawl , Puithiam pawl, Sister pawl, le Mipi hruaitu pawl hnenah thu simnak a rak nei. Japan ih a hmaisabik mipa missionary cu Sapanish Catholic missionary St. Francis Xavier a si ih Jesuit pawlkom dintu sungtel a si , Mathilde Mother Mathilde raclot (1814-1872) tiang Japan ram Yokohama ih a thleng mi a hmaisabik nunau missionary a si.                                                             Mother Mathilde in a hmaisabik French sister pawlkom cu 1872 kumah Japanramah a rak kuat ih a thupi bikin farah harsa pawl, Nu pawl le nauhak pawl an todelawk theinak dingah thlei dangnak nei lo in nunau pawl fimzir thei dingah a rak bawm. Amah cu a kum  96 kum 1911, Feb 20 ah a nunak a rak cem ih Yokohama ah an rak vui.

         Amah cu Asia ih hmin thang bik missionary sungah pakhat a rak si ve ih Malay, Singapore le neta lam ah Japan ah a hmaisabik sister tlawng a rak din. Japan ttong a rak zir ih Pathian thu a rak zirh. Nauhak 700 hrawng cu Tokyo  le Yokohama ih sister tlawng pawl ah an rak um. Mother Mathilde cu rilrawng mi, damlo mi pawl thlipi ih siatsuah mi pawl hrangah inn pakhat a rak sak sak. Amah cu a thil ti theinakhnak ih tam in hna a rak tuan tu a si. Mi a rak bomnak hmun ah mi an tam vivo ih fang le tulsam mi pawl khal thaten a rak ngah thei.               Tuini ah Mother St. Mathilde ih zuamnak ruangah Malasia ramah Sister convent 56 le Singapore ah Convent  sister pawl umnak hnun 11 hmuh theih in a um. Amah cu Singapore Women’s Hall of Fame ih a rak telnak le Singapore ramah rian a rak tuannak ruangah 2014 ah sunloihnak khal a rak dong a si.

         French Puithiam Nicolas Barre’ (1621-1686) cu 1666 ah French ramah St. Maur ti khawh mi a thianghlim mi Holy Infant Jesus pawlkom a rak din. Asia ram ah cumi pawl cu Japan, Siangapore , Malay, Kawlram le Thailand ah an rak um a si. Hi mi thuthang cu RVA thuthangih kan don mi a si.