Trichy Bishop in zarhpi ni ih Pathian thuzirnak cu nauhak pawl hrangah a thupi zet tiin sim.

Trichy Bishop in zarhpi ni ih Pathian thuzirnak cu nauhak pawl hrangah a thupi zet tiin sim.

           Trichy diocese in November 27 ah saklam India Tamil Nadu, Melapudur ih Nallagan Pastoral center ah Sunday school Pathian thuzirnak anniversary an tuah. Cui caanserh ah diocese ih Parish pawl ihsin nauhak 650 le Pathian thu zirh tu saya 47 an tel. Parish tampi ih Puithiam pawl khal an tel.Trichy ih Bishop Arockiyaraj in caanserh a hoha ih thazang pek nak thu khal a sim. Bishop Arockiayaraj in nupa pawl, nauhak pawl zuam zet in thu zirh tu saya pawl hnen ah lungawi thu a sim. “Anmah pawl cu hmailam kohhran ih ruahsan mi an si. Catholic ih ralthatnak pawl lamhmuh ding le zirh ding a thupit zet thu” Bishop in a sim.

           Cuini ah biblical drama le nauhak pawl ih zuamawknak thuam pawl thawn a mawi zet. Bible thuanthu drama ih an zuamawk nak ah nauhak pawl in Mithianghlim pawl ih hnipuan le kohhran ih martyr pawl vekin an thuam aw. An zuamawk nak pawl cu Fr.George Clement, Fr.Thomas Edison, Sr. Sylvia, Sr. Vencilla, Br.Jose, Mrs. Elizabeth Margaret pawl in mark an pe.

            Nauhak pawl ih thuanthu tawi 7 tuah mi cu parish puithim, mino pawl in an rak bawm. Madha TV production manager Fr.Adaikalaraj le a pawlkom in an zoh ve ih an flimpawl le nauhak pawl ih thiam nak an zuk. Cuini program cu Fr.James Selvanathan ih Missa raithawi nak in an theh. A tel tu zate hnen ah diocese in an laksawng pawl an pe. Program pawl cu diocese ih tha Christian life Association ih secretary Fr.Maria Soosai in a tawl rel. Himi aveikhat nak pulhnat theh ih nauhak pawl hrang diocese ih tuah mi cu kohhran sung ah nauhak pawl le mipi pawl hruai kir sal dingah a si. Himi thuthang cu RVA thuthang ihsin kan don mi a si.

https://bit.ly/3F4G0pm