Trump do a tuar hnuah hi tivekih tuahmawhnak cu Vatican in mawhthluk. (July 14, 2024)

Trump do a tuar hnuah hi tivekih tuahmawhnak cu Vatican in mawhthluk. (July 14, 2024)

America President hlun a si mi Donald Trump  le midang pawl kha hriamhma an ngah ih July 13 ah Pennsylvania ih mee an hlawlnak ih mipi thon khawmnakah mipakhat a thi ih tuahmawhawknak a cem hnuah Holy See in a rak mawhthluk.

Vatican ih sim than theinak a neitu Matteo Bruni in July 14 niah CNA ah a rak kuat mi cu a tawizawng ih an suah mi ah Holy See in mani zan ih tuahmawh nak thilcang mi cu minung le Democrecy kha a na ter ih minung nunnak a cemter mi thinnatnak pawl le nunnak cemter tu tuahmawhnak thawn pehpar in thinphannak a um thu a langter.

Holy See in America ramah rampi remdaihnak hrangih thah tuartu, tuahmawh ih  buainak tuahtu pawl ih tumtahnak cu ziangtikhmanah um nawn lo dingah Holy See in America ih Bishop pawl thawn hmunkhatah an um thu a tarlang.

Pope Francis in cun zarhpi sun, Angelus thlacamnak ih a simnak ah hi thu hi tel in a rak sim lo.

Zarhte ni zanlam ah Pennsylvani, Butler ah tuahmawh dingih a zuamtu pawl thehah leitlun ramkip ih ramkhel hruaitu pawl cu ramkhel thu ih tuahmawhnak le Democrecy lungkimpinak thapeknak pawl kha kalhkeh in an rak sim asi.

July 13 ni ah Truth Social ih an tar mi ah Trump ih vorhlam hna a tlunlam ah cerek pakhat in a ngah tiah an sim. A kiangnai ih Siizung pakhat ah tuamhlawm a si hnu ah President hlun cu zarhte ni zanlam ah a thupten humhimnak thawn New Jersey ah an tlunpi tiah an sim.

FBI cu Pennsylvania ramthen, Bethel Park in kum 20 a si mi Thomas Matthew Crooks in Trumb ih thu a sim laiah hriam kai dinhmun in ruahin a rak do a si. ID tel lo in DNA ih a thenthen ih zohfelnak in theih a si mi Crooks cu mee suainak ah a thupten meithal kaitu dinhmun in a thih thu tuanvo neitu in a rak a sim. hi mi thuthang cu CNA in kan don mi a si.