Tuahmawhnak pawl dodalnak ah Indonesia Sister pawl in digital fimthiamnak an hmang. April 11, 2022

Tuahmawhnak pawl dodalnak ah Indonesia Sister pawl in digital fimthiamnak an hmang.

April 11, 2022

              Minung sumdawnnak ih hman nak donak tuah dingah Indonesia ram ih Catholic Sister pawl in mipa, nunau tuahmawhnak pawl kilhim dingah digital tidaan thiam nak hmang dingah thu an bot cat. Sister pawl cu, minung sumdawnnak ih hmannak le tuisan sal tuannak pawl lehrul dingah, ahleicein nunau pawl le nauhak thawn pehpar in pawlkom pakhat asimi Indonesia ram ih um mi Talitha kum pawlkom sung tel pawn an si.

           Talitha Kum Indonesia timi cu 2009 ah Indonesia Union of Superiors General ih rak din mi Catholic Sister pawl ih ram tinkim thawn pehpar mi pawlkom minung sumdawnnak ih hman nak do nak a tuah tu pawlkom a si. Himi Talitha Kum ih tiduhsan cu St.Marku Bible sung ta hman mi ihsin a suak ih Aramite tong thawn san a nei mi “nunaunu, thu ka lo pek tho aw” tiin a si.

           Cui Puai On puai nikhat ah caanserh cu Lampung ramthen khuapi “Bandor Lampung ah an tuah ih 21 an tel. Cui program ih a tel tu Franciscan Sisters of Georgious Martyr (FSGM), Secred Heart Sisters (HK), Charles Borromeo Sister (CB), Alma Sisters of Notra Dame (SND), Compassio Indonesia Sister (FCH) le mi menmen thenkhat lawng an si.

           Minung sumdawnnak ih hman nak cu thuthang fimthiam nak, pehtlaihnak le umdaan thlengnak, thanso asi ruangah minung sumdawnnak san man vivo dingah a forhfial thu timtuah in hoha tu pawl in an sim ih Lampung social ih Talitha Kum cu pawlkom sungtel tinkim, ahleice in digital thilri pawl hmang in thiamnal dingah mah le mah khaisang dingah a tul thu,

           Digital thilri pawl hmannak lam ih thiamnak nak cu Talitha Kum sungtel tinkim hrang himi thaimnak cu kiangkap ah hlawm thei dingah a thukpit thu, timtuah mi cu nunau pawl le nauhak pawl hringhro thei tu harsat nak pawl khua mi um nak theithiam vivo dingah a si tiin an sim.

           A tu ah Lampung social ih Talitah Kum ih cangvaihnak pawl cu thureltlangnak pawl tuah nak, minung sumdawnnak le nunau le mipa tuahmawh nak lam theih ter nak, cozah le pulpak tlawng pawl ah forhfial nak pawl, lungrualnak pawl tul in himi pawl ah minung sumdawnnak a tuar tu pawl hrangah colhnak hmun bomnak in an bawm.

           “Himi cangvaihnak cu a danglam” tiin Talitha Kum Indonesia ih secretary Yohanes Krisuahyudi in a sim. “Vanthat nak ah Indonesia ram ih um mi Sister pawl pawlkom (IBSI) ih sungtel pawl asimi Indonesia Sister pawl le nunau pawlkom pawl karlak ah forhfialnak tha a mal lai” tiin Kriswahyudi in Talitha kum ah minung sumdawnnak ih hman a tuar tu pawl bom in kham nak lam pawl an bom thu khal thupi ah ret in a sim.

           Minung sumdawnnak hman a tuar tu pawl cu a tamsawn in fimthiamnak a neimal mi pawl an siih, a tamsawn cu sumlut mal innsang ihsin an si thu, harsat tuar pawl cu ramdang ah hnatuan an duh ih hmanhman hlawhman pawl an ngah duh thu, cutiin in Krisuahyudi ih a sim nak vekin Talitha Kum ih ton rero mi sawmnak pawl cu minung sumdawnnak mafia pawlkom pawl le zuar a tuar tu pawl hnen ihsin hmuh nak nei lo nak a si thu,

           Talitha kum Indonesia cu 2008 ah an din ih a hlan ah Indonesia Sister pawl pawlkom (IBSI) ih nemhnet mi nunau pawl minung sumdawn nak dodal nak commission (CWTC) tiin an ko. 2019 August 27 ah (CWTC- IBSI) cu Talitha Kum International ih ruahnak pek mi vekin cuihmin cu Talitha Kum Indonesia tiin an thleng nak a si.

           Talitha Kum Indonesia (CWIT-IBSI) dinnak ih thuluu pakhat cu ramsung ramleng minung sumdawn nak ih hman tuar pawl bom dingah a siih Asia continent ah Philippines theh in Indonesia a pahnih nak tiin sumdawn nak ih hman tuar pawl bom dingah a si thu,

           A tu ah Talitha Kum Indonesia cu ramthen 15 luan ah a um ih a tu covid 19 ruangah minung sumdawn nak ih hman nak a thang deuhdeuh ding tiin an zumnak ramthen pawl ah tuahtuan thei dingah an ruahsan tiin a sim. Himi thuthang cu RVA thuthang ihsin kan don mi a si.

https://bit.ly/3vldfAe