Tuguegarao ih Archdiocese ah a mal bik parish 36 cu tilian in a namnuai. November 17, 2020

Tuguegarao ih Archdiocese ah a mal bik parish 36 cu tilian in a namnuai.

November 17, 2020

         Kan ruah mi vek a si le a mal bik parish 36 pawl cu a thupibik in Cagayan tiva kiangih a um tu pawl cu tilian in a namnuai tiah Veritas 846 thawn thusuhnak, archdiocese ih social action director Fr. Andres Semana Jr in a rak sim. Fr. Semana in a zumnak thawn mitinkim hnen, a thupibik in thlisia ih a nuai bik mi pawl hnen a forhfial nak vekin a namnuai mi hmun pawl hrang bawm dingah a rak sawm. Ilagan ih Diocese ah Social action director. Fr. Carlito Sarte in parish pawl le a kiangkap diocese pawl ah bawmnak than dingah bawmnak a thlen zo thu a rak sim.“Hi mi cu riahsia za a si,” tiah Puithiam in a rak sim. “Kan nih cu pulh nat karlak le hi thlisia a cannak ah kan um,” tiah a rak sim.

      “Thla kan cam rero lai. Ziangah tile hi mi lawng hi tu dinhmun ih kan ti thei um sun le khat le khat bawmawknak a si,” tiah a sim.“Pawlpi in mi tinkim hrang thla a cam sak ringring dingih pawlpi in a ti thei tawkin rikhiah daan vek in a bawm sal ding,” tiah Puithiam in a sim bet.Tuguegarao ih Archbishop Ricardo Baccay in tu baite ah Cagayan ih a cang mi tilian ih a namnuai mi pawl hrangah bawmnak a rak dil.  Zarhpi ni ah Philippines President Rodrigo Duterte in tiliannak a can hnu ah Cagayan hramlak ah daan lo ih lungmankhung laih nak le thinghaunak pawl zingzoi dingah thu a rak pek.“Acozah in thlisia dang humhim nak dingah daan lo ih thinghaunak le lungmankhung laih nak pawl a ti thei tawk in dodal in hramlak humhim nak a tuah rero,” tiah a sim bet.

      Tuanvo nei tu in daan lo ih lungmankhung pawl laih nak in lei min ruangih a thi zo tu minung 10 tel in lungmankhung laih nak dodal in an cawl ding tiah a rak sim. Meter 13 a thleng mi tilian pi in Cagayan pyine cu typhoon “Ulysses” ihsin a tlan tu cu tawk ih um mipi thawngkhat le humhimnak a ngah lo tu pawl harsatnak an ton caan ah namnuai a si.Thu nei tu pawl in typhoon in a mal bik ram mipi 67 a thi ter tiah an sim. Hi thuthang cu Licas thuthang ih kan don mi a si.

https://bit.ly/3kHJ9Q3

(Photo courtesy of the Presidential Communication Office)