Tuikum kumthar hrangah Vietnam Bishop pawl in karuna hnatuan timtuah January 10, 2021

 Tuikum kumthar hrangah Vietnam Bishop pawl in karuna hnatuan timtuah

January 10, 2021

            Pope Francis ih leitlun remdaihnak ni thucah cu upat ih thlun nak in tuikum kum thar ah bom a tul tu pawl bom dingah tuah deuhdeuh dingah Vietnam Bishop pawl in Catholic kawhhran mipi pawl an forhfial. Vietnam saklam ih Can Tho Diocese in Bishop Stephanus Tri Buu Thein in a Diocese ih kawhhan mipi pawl hnen mi harsa pawl hnen zangfah nak thawn bawm aw dingah le thlacam sak dingah a dil ih, Catholic kawhhran mipi pawl cu leitlun pulhnat ruangah sumpai lamah harsat an tong ih cutivek mi harsa pawl hnen a tha mi Samaritan vekin bawm ding ah tha a pek.

            Kan dung December 17 ni leitlun remdaih nak ni ah "minung zate ih sinak kil him nak le khaisan nak, zawnruah nak le ngaihsak nak, remawk sal nak le damter nak, khat le khat upat nak le cohlang nak cutivek cu remdaih nak hrang a hleice mi caantha asiih, hlanlai kawhhran vekin minung pawl tul mi pawl hrangah tuah tlang in, a tul hleice mi pawl bawm dingah mancia in um dingah" a cah tu Pope Francis ih thucah mi ruangah Bishop cu thazang a ngah ih a mipi pawl hnen khal tuikum ah kum thar puai tuah tikah ropi tuk loin tuah in a tul mi pawl bawm dingah tha a pe.

            Kawhhran mipi pawl hnen ihsin khal Bishop ih a sim hlan ihsin mi harsa pawl hrangah rawl, hnipuan le a dang a hrampi ih tul mi pawl rem cang dingah dawr phuan in man ol ten thil zuar nak an tuah ih anmah pawl hnen rawl pek nak, sam met sak nak pawl an tuah. Himi thu cu CNA thuthang ihsin kan ngah mi a si.

Credit: Saigoneer / Shutterstock.

https://bit.ly/3oF9j8R