Turkey ah Biakinn dang pakhat Mosque (Muslim Biakinn) ah an thleng. August 21, 2020

Turkey ah Biakinn dang pakhat Mosque (Muslim Biakinn) ah an thleng.

August 21, 2020

         Hagia Sophia Biakinn cu museum (ro innpi) in Mosque (Muslim biakinn) ih an thleng hnu zarh rei lo te ah Turkey President in Hagia Sophia hnakin mi theih mal deuh mi a si ko nain san thuanthu ih a tel mi Biakinn pakhat cu museum in Mosque ih ong dingah lam a rak hmuh.

         Chora khuapi ih um ruundamtu ih Biakinn hmin a nei mi santhuanthu ih a tang mi Biakinn cu kumzabi 14 ah Byzantine kut thiam pawl thawn an rak sak mi a si. Turkey President Recip Tayyip Erdogan in cui biakinn cu museum in Islam Mosque(Muslim biakinn) ih thleng dingah a rak nemhnget.

         Hagia Sophia vekin Costantinople Diocese ih Biakinnpi a si mi hi Biakinn cu kum 1453 ah Ottomans pawl ih do nak an tong nain a rak siat lo ih 1945 kum lawngah museum ah an rak thleng. Turkey ram ah kumzabi pali in kuzabi hleikhat tiang an rak sak mi Biakinn pawl a um ih linghnin ruangih a siat mi pawl khal an um.

         Hi Biakinn pawl thawn pehpar in American ah Pathian hna a tuan tu Greek Orthodox Bishop Elpidophores in ‘Hagia Sophia’ theh in Chora Biakinn hi santhuanthu ih a tang tu pawl an sun cih. Ram tinkim in hi a hman lo mi pawl cu ziang siar lo in nan um men maw tiah a facebook cahmai ah a rak tarlang.

https://bit.ly/3jdSZIX