Turkey Linghninnak ah Bawipa in I kil him ih Bawinu Maria in I tan san siang lo tiah sim.

turkey_linghnin_nak_ih_luat_tu.

 Turkey Linghninnak ah Bawipa in I kil him ih Bawinu Maria in I tan san siang lo tiah sim.

Bassel Habkouk cu Lebanon Catholic mi   pakhat a si ih fate pahnih nei mi a si; Feb 6 niih Syria ramri le a kiang Linghninnakah khual a rak tlawng.   

Habkouk cu Linghninnak ruangah inn min mi hnuaiah nazi 52 rei a rak um ih minung thawng nga luan an thi ih mitampi an hlo lakah  inn le Lo nei lo khal tampi an um tiah AP thuthang in a rak tarlang.

Mangbangza ih a nunnak cu hmakhat te ah ACI MENA CNAih thuthangah Arabic tongin Bawinu ih bomnak khal a si thu a rak sim.

Linghnin Laiah Habkouk cu a rualpi tha Elias Al-haddad thawn a lengah an suak. Inn pawl a min ih inn mit pawl cun in run nen ih kan tlu. Cuti kan ton  hnuah ka rual pi in in biak ih zaangfah i rak dil nan keimah khal ka cang thei lo ka hei ti ih cuihnu nazi 6 a rei hnuah a aw khal ka thei nawn lo tiah a rak sim.

          Ka rual pi AL Haddad nung lo in a rak um cu ka riah a siat tuk. Inn min ih khuhnak hnuaiah nazi 52 rei ka rak um ih a sau lam 2 meter le a Sanlam 40 meter a kau mi ah a rak um tiah a sim. Adai zet mi thli cu khuitawk in a ra ti ka thei lo rawl ei ding khal um lonan rilrawng le tihal ka thei lo tiah a rak sim.

          Habkouk cu innsiat karlak ah harsa zet in a rak um ih a ni hnihnak zanlam ah mi ruun tu pawl in an rak bawm. Meter pakhat hrawng a sau mi Pipe tawite ka hmu ih ka kiang thil pawl lak ka tok vivo ih mibawmtu pawl in cu mi an hmuh tikah ka um lam an thei ih a au rero mi mipakhat khal an run suak ngah tiah a rak sim. Habkouk in a hmai sabik inn ih a nen veten ka thinlung in Ave Maria thlacamnak tap phah in ka sal. Cuti ih Ave Maria  ka ti hnu minutes 40 ah Linghnin a reh nan thla ka cam bet. Bawipa in I humih Bawinu in I tansan siang lo . Habkouk in thazaang le tuar theinak I pe ih ka rak luatnak a si tiah a sim bet.

          Ka nauhak laiah kan khua a si mi Maghdoucle ah daan an rak nei theu mi cu Catholic Pawlpi ih thupi zet mi Puai (Christmas, Thosal le Bawinu Maria suah ni a thu pit zia in rak zirh theu. Pathian ih mithianghlim pawl le Bawinu Maria ih an rak duhdawt zia a lang ter. Zing tinten fale pawl kilhim dingah le Bawinu ih thlacamsak dingah Mantra ih Bawinu Lungdawl hmaiah feh in thla ka cam theu tiah a rak hlawm bet.

          Hi mi thuthang cu Catholic News Agency ih kan ngah mi a si. Kan thuthang a rak siar theutu nan zate parah lungawinak tampi kan nei.

https://bit.ly/3Yngrrh

Add new comment

6 + 3 =