Ukraine mi Greek Catholic Kawhhran hotu pawl in kaih a tuartu Puithiam pawl thlah dingah zangfah dil.

Ukraine mi Greek Catholic Kawhhran hotu pawl in kaih a tuartu Puithiam pawl thlah dingah zangfah dil.

            Archbishop Sviatoslav Shevchuk in November thla Berdyansk Parish ih kaih tuar mi Fr.Ivan Levyskyi le Bohdan Heleta tei luat dingah zangfah a dil. Fr. Ivan Levyskyi le Bohdan Heleda tei cu Most Holy Redeemer (Redemptorists) congregation mi an si. Ukraine ih Redemptorist ih an thannak vekin Russia ralkap pawl in bung puak nak ruangah thudik lo in puhmawh a tuar tu Redemptorist Puithiam pawl cu November 16 ah Berdionsh ah an kai.

            Thu an than nak vekin thenkhat ralkap pawl ih thilri pawl cu puak thei mi thil pawl an do kalh nak ruangih thupek nak in biakinn ah an ret. Ukraine mi Greek Catholic Pawlpi hotu in “Puithiam pahnih luat ter loihli dingah, sual nak an neih lo thu, an mipi pawl, kohhran hrang an hlan awk thu” zangfah dil in a sim. Ukraine mi Greek Catholic Kohhran upa Archbishop Shevchuk in “Christian zate, ramdang le Ukraine pawlpi ih mi raltha zate hnen ah Puithiam pahnih an luat nak ding hrang thlacam dingah a dil.

            Redemptorist Puithiam pahnih cu Russia ih uk mi nisuahnak thlang lam Berdyank ih sualhram nei lo ih a sem tu Bawinu ih biakinn ih riantuan rero mi an si. Puithiam pawl cu thlarau lam le minung covo bawm nak, raltlan pawl bom nak le bom tul mi pawl bawm nak an tuah rero. Redemptorist ih an sim nak vekin “November 23-24 Russia TV channel Zuiezda ih thlah mi ah Fr. Ivan Levytskyi cu thusuhnak pawl an nei ih, Puithiamih hmai ah a lenglam le sunglam ah a bang zet hmel thu hmuh a theih. Himi thuthang cu RVA thuthang ihsin kan don mi a si.

https://bit.ly/3hbU8p1