Ukraine mipi pawl ih harsat tuarnak ah Sister pawl khal an tithei tawk in bawm (February 28, 2022)

Ukraine mipi pawl ih harsat tuarnak ah Sister pawl khal an tithei tawk in bawm

(February 28, 2022)

              Sr.Franciszka Tumanevych cu kum 42 asimi “Sisters of the Holy Family of Nazareth” (Nazareth khuapi ih thianghlim innsang Sister) pawlkom in a si. Anmah hrang Ukraine mipi pawl an bawm nak ah Russia ralkap pawl tampi an luh thok nak hmaisabik ni cu a rak har zet. Russia ralkap pawl cu Ukraine ram ih saklam do dingah Putin in February 24 ah thu a pek tiin an sim. Sister pawl ih tlawng khal cutawk hmun a si. Mipi pawl cu an thinphang ih an ttih. Siivai pawl, in ei pawl, siti pawl lei dingah a tlar in an hngak aw. Zanlam a thlen tikah zinglam ih anneih mi thinphan nak pawl zaten a dai. Cumi dinhmun zoh dingah ral lakah ziangtin nung ding timi an zir. Curuangah mipi pawl bawm dingah tuahdaan dik zet an tuah. Zianghman tuah lo in thinnuam a sile thinlunglam dinhmun a tha lo vivo ding. Curuangah thlacamnak an thok.

              Ukraine cu Europe nisuahnak lam ah an um ih, mipum tan 44 an um. Russia, Belarus, Moldova, Romania, Hungary, Slovakia, Poland pawl thawn ramri an si. Russia ih an do nak ruangah Ukraine mipi 368000 luan cu ram ihsin an tlan. A besia zet mi hmun pawl cu Ukraine ram ih nisuahnak lam, thlanglam le saklam ah a si. Ralkap pawl tampi hmuh asiih, ram tinkim ih dil nak a um rero nan Russia President Putin in Russia ih kilhim tu pawl hnen nuclear hriamhrei pawl bun ding khalah February 27 ah a sim.

              Sister pawl ih tlawng um nak khuapi khal cuini ah Russia pawl ih do an tuar. Sr.Tumanevych cu psychology fimnak thawn tlawng a theh tu asiih, netaah Canon law in doctor buaih khal a ngah tu a si. Amah cu Kohhran ih zungah rian a tuan rero tu Sister pakhat a si. Amah cu Russia pawl ih an do hlan ah innsang pawl thawn tong aw in Catholic Caritas hnatuan pawlkom pawl thawn kom aw in hna a tuan. Amah cu cui khuapi ih Sister tlawng ih Sister 3 lakah pakhat a si. Sister pawl cu thlacam nak pawl tuah phah in kilhim nak ah tel in bom tu mipi pawl hrang ei ding pawl an timtuah sak. Himi ral ruangah cui khuapi ih mipi pawl cu an lungrual tuk. Cui khuapi ah mipum 260000 an um. Cui hmun sung ih a hlu pet u pawl hnen ihsin phone biaknak pawl ngah in a hlu pawl an ngah. Sister cu Ukraine ralkap pawl hrang tul zet in thi a tul asile man cia in um dingah thi hlut nak ih a feh tu 100 luan thi hlu dingah a hngak ruangah a thaisun ah a feh sal. Mipi pawl khatlam khat lam ihsin bawm phahin anmah pawl ih an hnatuan hleice asimi thlacam nak khal cawl loin an hlan.

              Ukraine ram sungah February 16 ni cu Ukraine ram ih remdaih nak hrang thlacam nak le vua sup nak ni tiin nemhnget in thlacam in Sister cu innsang 25 thawn line ihsin thla an cam. Cuini ihsin thokin zantin line ihsin thla an cam. Cui program cu nuam teten inmi theihtam asi tikah a tel tu an tam vivo. Anmah pawl cu zaten olten tel thei mi thlacam nak asimi Rosary an cam. A tu ah innsang 72 an tel zo. Rosary cam in an theh tikah innsang mi pawl hnen a tu thin dai ten va it uh. Ziangruangahtile kan zaten hrangah America ih Sister pawl in pehbet in thla in cam sakd ing tiin tha pe in a thlah theu.

              Puithiam pawl um nak biakinn pawl, Bawi Jesuh ThileSa Saramentu um nak Biakinn pawl ahcun pelh loin Bawi Jesuh ThileSa biak nak khal an tuah. Puithiam pawl in zing ihsin zan tiang sual thlah nak an ngai sak. Rosary cam nak ah ahleice ih an tumtah mi cu Putin thinlung thleng dingah a si. Ziangruangahtile Putin cu October 7, 1952 “Rosary Siangpahrang Bawinu” puaini ah a suak tu a si. Sister ih nu khal nikhat ah Rosary kual 7 a cam theu thu a sim. Himi thuthang cu CNA thuthang ihsin kan don mi a si.

https://bit.ly/3IZRJpW