Ukraine ralkap pakhat cu Rosary camnak ruangah thihnak ihsin a rak luat (February 27)

Ukraine ralkap pakhat cu Rosary camnak ruangah thihnak ihsin a rak luat

Ukraine ralkap pakhat cu Rosary camnak ruangah thihnak ihsin a rak luat

(February 27)

         Russia le Ukraine lak raldonak a thok hnu kumkhat hnu ah Catholic Puithiam pakhat in Ukraine ralkap pakhat cu Rosary camnak thawn thihnak ihsin a rak luat thu a rak sim.

         ACI Presa thawn thusuhawknak ah, CNA ih Spanish tong thiam mi thuthang latu, Fr. Josafat Boyko cu Incarnate Word and pastor of Sts tlawng sungtel pakhat a si tiah a tarlang.

         Ukraine ram nitlaknak lam Ivano-Frankivsk ih um Cyril le Methodius Parish in Feb 24, 2022 ihsin rak thok mi Russia ramnawinak do rero tu ralkap pawl thlarau lam lamhmuhnak pe dingah a rak forh.

         Veikhat ah, ralkap pakhat in Rosary cam dingih a umnak hmun a rak tansan hnu ah bomb a rak tlak.

         “Curuangah Rosary camnak in, thihnak ihsin a rak run,” tiah Puithiam in a rak sim.

         “Pawlpi ih aw thawm cu a thupi tuk. Pawlpi ih aw thawm cu thudik sim dingah a thupi tuk,” tiah Ukraine ih thilcang tong rero tu, Boyko in a rak sim.

         “Ukraine ih mi tampi an thi rero ih Ukraine mipi pawl cu an mipi le an ram kilhim nak ah an hminthang,” tiah a rak sim. 

         Milai covo hrangah United Nations High Commissioner Office ih tarlang vek a si le, Feb 24, 2022 Russia ralkap pawl in Ukraine an rak donak thok caan, tui kum Feb 12 tiangah ram mipi 18,955 an um ih 7,199 thah an tuar ih 11,756 hriamhma an tuar ti a si.

         A si ko nan, Boyko in kum tampi sungih rak cang mi buainak pawl a rak sawhkhih. “Ukraine cu 2014 ihsin thok in than cia lo mi ralbuainak dinhmun pakhat ah a rak um. Russia in Donetsk province, Luhansk, le Crimea ih leiram hrekkhat donak thawn Ukraine a rak to thok,” tiah a rak sim.

         Tui milai covo lam lainatnak ih harsatnak ton rero lai ah, Puithiam in “hmun tampi ih Biakinn pawl cu ralbuainak ruangih an inn tansan tu mipi pawl hrangah mi harsa pawl ah an rak cang.

         “Curuangah tlawng pakhat dinhmun in Pawlpi  in leitlunhuap ih ram phunphun ihsin mi harsa le a tulsam mi pawl ih ei in ngahnak lam bawmtu pawlkom pakhat vekah a rak cang.

         Cui hleiah, Boyko in “YouTube ah the Josafat Boyko channel in kan thlah ih remdaihnak hrangah thla kan cam,” tiah a rak sim.

         “Internet thawngin, thlacam thei dingah Biaknak nei lo mi pawl hrangah khal a cang thei mi a si,” tiah a rak simfiang.

         Ukraine Puithiam in “Gospel thuthangtha kan phuang bet dingih 1917 ah Our Lady of Fatima ih a rak sim vekin Russia ih thlengawknak hrangah thla kan cam rero,” tiah a rak sim.

         “Remdaihnak khaisan kan duh; thinheng kan duh lo,” tiah thuk zet in a rak sim.

         Ralbuainak a can hnu ihsin thok in, miharsa pawl le ralkap pawl ei in le sinfen pek ding mi Parish ah an rak hlu.

         Hi thuthang cu CNA thuthang ih kan ngah mi a si.

https://bit.ly/3ZrBV7m

        

Add new comment

3 + 16 =