Ukraine ram ih Pope Francis an ram ih Tuu khal khual tlawng dingah an sawm. May 5, 2021

Ukraine ram ih Pope Francis an ram ih Tuu khal khual tlawng dingah an sawm. May 5, 2021

Ukraine ramih Catholic hotu a si mi Archbishop Sviatoslav Shevchuk in a tul sam mi Diocese pawl bawmtu Church in need pawl hnenah Pope Francis cu kan dung reilo te lai ih Iraq ramih Covid pulhnat pi lakah a Tuu raul pawl a duhdawt ih a tlawn bangin Ukraine ram khalah ra tlawng ve sehla ti an duh thu, Pitar pakhat in Pope Francis kan ramah ra tlawng sehla ral buainak pawl a dai ko ding ti ih a ti vekin Pope Francis an ramih tlawn ter an duh thu, Archbishop a mah rori kan dung March thla cem lam ah Vatican ih a feh lai khalah Ukraine , Prime minister Denys Shmyhal in Pope Francis Ukraine ramih tlawng dingih sawmnak khal a theih ter thu, Pope Francis le Ukraine ram ih hruaitu pawl an tonawknak ah Ukrain ram mi pawl an lungawi thu, Vatican le Ukraine ram karlak khalah peh tlaihnak hrangah a that thu, Ram sungih buainak pawl khal a demdeuh ding lawng silo in thu rel thlangnak, khat le khat lungrual tlangnak khal ziangtin tuah ih khaisang nak khal tha pek nak a si thu Bishop in a sim.Ukraine ram cu ral buainak ruangah tla sia mi ram pakhat a si.

          Pope Francis khal in tu le tu Ukraine ramih harsat nak khal a sim theu mi a si.Tui kumih Pascha puai ah leitlun phunkim hrangih a sim mi, (Urbi et Orbi) thlasuah peknak khalah Pope in Ukraineram tahthimnakih a sim nak khalah lung a kim zet thu, an lung khal a awi thu, ziangahtile Ukraine ram tha a pek thu, Ukraine mi pi pawl thawn hmunkhatih um tlang ternak a si thu, Ukraine ramih Russia thawn a cang mi raldonak thawn pehpar in ral buaknak in rem a theih a si ih rampi palai pawl thawn rem theih a si thu, Archbishop din hmun khal in tonawk ih rel tlangnak tha a pek thu, ziangah tile tonawk ih rel tlangnak cu kan hrimhma a dam ter thei thu, remdaihnak cu ral buainak a neh thei thu, nisuah nak lam daan thlun in Ukraine mipi pawl hrangah May thla ni hnih (2) ni cu Pascha Puaipi a si ruangah thlasuah lungawinak ni tik cu caan ah buainak a um pei maw ti ih thinphannak a tam thu, Russia cu rei lo teah ralkap tha zaang 100000 tingkhat a ret. Hi mi tuahnak cu Russia in rakdo nak zir dingah ti a ko nan Ukraine le ram tin kim ih an hmuh daan ah raldo dingin tumtahnak a nei tiah zumnak an nei.

          Ukraine Christian pawl le biaknak lam council pawl thu relnak ah Easter tik cu caan sungah Ukraine nisuahnak hmun lamah kahdoawk nak cawl dingah dilnak an nei. Cui hmun cu Ukraine le Russia ih an duh mi raldo nak a cang. Thihnak a neh tu Bawipa sunloihnak ah Pascha biakthawinak hla pawl cu minung a that thei mi hriamhrei pawl meithal, Bung pawl neh thei seh tiah thla an cam thu, a thosal mi Bawipa Jesuh hnenah remdahnak an dil thu, hi thlacamnak cu kan zate ih kan duh mi a si thu, Remdaihnak Bawipa in kan mah cu hi dinhmun thalo in in luat ter thei ding thu, Ukraine nisuahnak lamih a cang mi buainak ruangah mipi pawl an minung sinak thawn milh aw lo in harsatnak le hngilh nak an ton thu, harhdamnak thawn pehpar mi siivai pawl a um lo thu, an tulsam mi pawl cu Diocese hnenah ruahsannak an nei thu, Parish Puithiam le Diocese sungih pawlkom pawl an ruahsannak runnak le bawmnak an ngah nak a si thu, curuangah mai tuu rual pawl thawn thenthek lo in an um thu, kan Puithiam pawl cu kawhhran mipi pawl hnenah um in an teimak thu, asinan Covid ruangah hnatuan daan a har thu,  curuangah Pathian biakthawinak pawl cu online in thlah a si thu, hi mi thil cang mi cu Bishop in a hlan ih Soviet regime Russia thazaang cah laiih thilcang mi in vunmang ter tiah a sim thu, Cui tik cu caan laiah thlarau lamih thazaang an lak nak cu Vatican Radio lawng a si thu, a tu khal hi Mission hnatuanpawl, Sacramentu lam khalah rikhiah ih hman a si thu, Pathian thuthangtha simnak le biakkhawmnak khal line par lawngah tuah a si ko nan, Sacramentu cohlang dingah din hmun in a pek lo thu, a sinan Jesuh Khrih thosalnak puai tuahnakah an ralrin thu, Church in need pawlkom in Ukraine ih ralbuainak a thawh ih sin thokin kum reipi an bom thu, a thu pi bikin raldo a buai hleice nak hmun pawlah an bom thu, a dang pawl kom in bomnak a um lo ruangah cawl dingin a ngah lo thu, hi mi pawlkom ih a dang bomnak pakhat cu media a si thu, hi mi cu thangtha tete pawl hlawmawk nak a si vekin Diocese ih biaknak, thlarau lam thuthangtha thannak ding khal ah a hrampi a si thu khal Bishop in a sim.

Photo courtesy of Krysja | Shutterstock

https://bit.ly/3bi3s4A