Ukraine ram remdaihnak hrang reltlang dingah tu rori a tul tiah Cardinal Parolin in sim. (May 22, 2022)

Ukraine ram remdaihnak hrang reltlang dingah tu rori a tul tiah Cardinal Parolin in sim.

(May 22, 2022)

          Mithianghlim Rita of Cascia thihnak hngilhlonak Missa sumnak ih thuthangtha sim mi ah secretary Cardinal in tui a cang rero mi dinhmun pawl sirhsan in Ukraine ih a cang rero mi rapthlakza pawl reh thei dingah a cang thei lo mi thuhla pawl hrangah thla in cam sak thei tu Mithianghlim Rita hnenih zaangfah dil cio dingah lam a rak hmuh.

          Hi remdaihnak le zumnak leiram khal a si mi hi Umbria ah tui tul tuk mi remdaihnak reltlangnak pawl a can thei le cang thei cang suak dingah zamrang ten thok thei dingin ruahsannak ka nei tiin khal a rak sim. St. Rita of Cascia ih puaini hrangah Italy ram, Cascia khuapi ih Missa sumnak ih thuthangtha sim mi sungah Vatican ramthen secretary Pietro Parolin in a mai remdaihnak lam tul sam mi thuk zet in a rak lang ter.

          Cui hlei ah Mithianghlim Rita of Cascia cu remdaihnak, ngaidamnak le tirhsiannak pawl ih hminsinnak cuang ter tu a si ih kan nih minung pawl ih sambaunak pawl a kut sungih ap tikah upatnak thawn thlacam dingah Cardinal Parolin in hngetkhoh zet in a rak sim.

Tuahmawhnak pawl cu ziangtik hman ah sannak a si lo…

          "Nitin kan theih theu mi Ukraine ih a cang rero mi ziang man lo ih thihnak pawl zamrang ten reh thei dingah cat bang lo ih sim rero tu Pope Francis in tumtahnak tampi a mah in thla in cam sak dingah ka ap," tiah Cardinal Parolin in upatnak thawn a rak sim. Tuahmawhnak ti mi cu sannak a si lo thu le tangdor nunem mi nunau pakhat a si mi Roccaporena ih nunram thilcang pawl in in zirh rero thu, tuahmawhnak in ziangtik hmanah buainak pawl a tawlrel suak thei lo ti langhngan zet mi thil tha lo pawl lawng a tam ter thu Cardinal Parolin in a sim.

          "Hi thilcang pawl nitin kan tong ih ziang ah a hlan thuanthu le tui thilcang pawl ih a lang ter rero mi rapthlakza in a besia zet mi buainak pawl lawng a can ter thei thu, ziangah kan hmu thei lo?" tiah a camnak ah Cardinal in thusuhnak a rak nei. Hi thuthang cu Vatican thuthang ih kan ngah mi a si.

https://bit.ly/3wId2HO