US ih archbishop thar le Las Vegas Pawlpi hruaikaitu tonnak (June 28)

US ih archbishop thar le Las Vegas Pawlpi hruaikaitu tonnak (June 28, 2023)

          “Bawipa, hi hi a dik maw” tiin Archbishop George Leo Thomas in 2018, Las Vegas Pawlpi hotu dingih hmaisabiknak, tuanvo an pek lai ah thla a rak cam. A mah cu Montana’s Rocky Mountains ah kum 14 le Seattle ah kum 30 zik te a um hnu ah southern Nevada nelrawn ah a rak thawn.

          “St. Paul ih a rak sim vekin; ‘sualnak a umnak ah, zaangfah lainatnak a um’” ti a si. U.S ih nautabik le dioces pawl karh rang tak mi ih hotu, Thomas cu, Pope Francis in Las Vegas ihsin province thar pakhat din mi archdiocese tuanvo a pek caan, kan dung thla ah archbishop dinhmun ih tuanvo rak pek mi a si.

          Kan dung kum ih tuanvo pek mi a dang archbishop 30 pawl khal Sts. Peter le Paul ih puai ni ih kum tin tuah theu mi Missa sumnak caanserh ah an rak tel. Thomas cu US ihsin pakhat lawng a si mi khuapi hruaitu thar a si. Pope Francis hnen ihsin thluasuah pek mi pallium a ngah hnu ah, Thomas cu Oct. 2 ah Guardian Angel Cathedral ah a tuan ding.

          Mark Wahlberg’s 2022 film “Father Stu,” ih Montan ih a nauhak lai nunram thuhla, simnak ah kum 73 kim zo mi Thomas cu Helena Bishop dinhmun in tuanvo rak pek mi a si.Thomas in tu le tunu pawl thawn nel aw zet mi sungkua khal a nei.

          A unu pali pawl khal a mah thawn um tlang duh ah Las Vegas umnak kiang ih an um ruangah a inn an kilhim sak thei ih a upa hrangah rawl an suan sak thei. Archbishop in a sungkua pawl a kiang ah um thei dingih a thlacamnak cu Thianghlim Maria in a theih sak tiah a rak sim.

          Las Vegas Archdiocese in Catholic mipum 620,000 le “khualtlawng za leng lo pawl a rian,” tiin Cathedral ih website ih tarlang vekin theih a si.Thuhla ngaingai um lo ih thawn tu Catholic mipum 200,000 an um tiah Thomas in a rak sim. Archbishop in caan rei lo te sung hnatuannak zung pawl tamnak, nun khuasak nak ih hman mi sumpai, le kaih hruai awknak tampi kan tong tiah a rak sim.

          Hi thuthang cu CNA thuthang ih kan ngah mi a si.